Psalmyn 39:12 - Yn Vible Casherick 1775 1819

¹² Tra t’ou uss ayns dty chorree smaghtaghey dooinney son peccah, t’ou coyrt er yn aalid echey goll mow, myr dy beagh eh garmad eeit lesh lhemeen: cha vel dy chooilley ghooinney er-y-fa shen agh fardail.

Lioar ny Psalmyn 1765 (Pointed)

¹² Tra t’ow uss ayns dty chorree smaghtaghey dooinney son peccah, t’ow coyrt er yn aalid echey goll mow, myr dy beagh eh garmad eeit lesh lhemeen: cha vel dy-chooilley ghooinney er-y-fa shen agh fardail.

Psalmyn 39:12 ပူးပေါင်းရင်းမြစ်များ

Genesis 21:34

As va Abraham ny hroailtagh ayns cheer ny Philistinee ymmodee laghyn.

Genesis 47:9

As dooyrt Jacob rish Pharaoh, Ta laghyn bleeantyn my hroailtys shey-feed bleïn as jeih: giare as seaghnagh ta er ve laghyn bleeantyn my vea, as cha vel mee er roshtyn gys eash my henn-ayryn ayns laghyn nyn droailtys.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

1 Recortyssyn 29:15

Son cha vel shin agh joarreeyn kiongoyrt rhyt, as troailtee myr va ooilley nyn ayraghyn; ta nyn laghyn er y thalloo myr scadoo, as cha vel tannaghtyn ayn.

Lioar Yob 13:28

As ta mee goll naardey myr red loau, myr garmad ta eeit lesh y lhemeen.

Lioar Yob 16:20

Ta my chaarjyn craidey moom; agh ta my hooill deayrtey magh jeïr gys Jee.

Psalmyn 102:1

Clasht rish my phadjer, O Hiarn: as lhig da my eam roshtyn hood.

Psalmyn 116:3

Haink ribbaghyn y vaaish mygeayrt-y-moom: as ghow pianyn niurin greme orrym.

Psalmyn 119:19

Ta mee my yoarree er y thalloo: O ny jean uss keiltyn voym dty annaghyn.

Psalmyn 119:54

Ta dty lattyssyn er ve my arraneyn: ayns thie my yoarreeaght.

Psalmyn 56:8

T’ou freayll coontey jeh my imman veih boayl dy boayl; cur my yheïr ayns dty voteil: nagh vel ny reddyn shoh scruit ayns dty lioar?

Psalmyn 90:9

Son tra t’ou uss corree, ta ooilley nyn laghyn er n’immeeaght: ta ny bleeantyn ain ec kione myr skeeal t’er ny insh.

Leviticus 25:23

Cha jean shiu yn thalloo y chreck son dy bragh: son lhiam’s y thalloo; son cha vel shiu agh myr joarreeyn as jiuleanyn dooys.

2 Corinthianee 5:6

Myr shen ta shin dy kinjagh ayns cree, toiggal choud as ta shin ec y thie ayns y chorp, ta shin mooie veih’n Chiarn:

Hebrewnee 11:13

Hooar ad shoh ooilley baase ayns credjue, fegooish geddyn ny gialdynyn, agh cronnaghey ad foddey jeh, as treishteil dy shickyr ayndoo, as ghow ad rish dy nee joarreeyn as troailtee v’ad er y thalloo.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau-jee earish nyn droailtys ayns shoh ayns aggle:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;