Psalmyn 39:1 - Yn Vible Casherick 1775 1819

¹ Dooyrt mee, Goym tastey jeh my raaidyn: nagh jean-ym peccah lesh my hengey.

Lioar ny Psalmyn 1765 (Pointed)

¹ Dooyrt mee, Goym tastey jeh my raaidyn: nagh jean-ym peccah lesh my hengey.

Psalmyn 39:1 ပူးပေါင်းရင်းမြစ်များ

1 Reeaghyn 2:4

Dy vod y Chiarn e ghoo y yannoo mie, loayr eh my-mychione’s, gra, My ver dty chloan tastey da nyn raad, dy immeeaght kiongoyrt rhym’s ayns firrinys, lesh ooilley nyn gree as lesh ooilley nyn annym, cha bee oo laccal (as eshyn,) dooinney dy hoie er stoyl-reeoil Israel.

2 Reeaghyn 10:31

Agh cha dug Jehu geill dy hooyl ayns leigh’n Chiarn Jee Israel lesh ooilley e chree: son cha hreig eh peccaghyn Yeroboam, ren Israel y hayrn fo peccah.

1 Recortyssyn 16:41

As mâroosyn Heman as Jeduthun, as ny deiney reiht elley, va enmyssit, dy choyrt booise da’n Chiarn, son dy vel e vyghin farraghtyn son dy bragh;

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 12:4

Adsyn ta er ghra, Lesh nyn jengey yiow mayd barriaght: shin hene lhisagh loayrt; quoi ta ny hiarn harrin?

Psalmyn 141:3

Soie arrey, O Hiarn, roish my veeal: as freill dorrys my veillyn.

Psalmyn 34:13

Smaght dty hengey veih olk: as dty veillyn nagh loayr ad foalsaght erbee.

Psalmyn 62:1

Ta m’annym dy firrinagh farkiaght dy kinjagh er Jee: son veihsyn ta my haualtys.

Psalmyn 77:1

Eam-ym gys Jee lesh my choraa: dy jarroo gys Jee nee’m geamagh lesh my choraa, as nee eh m’y chlashtyn.

Raaghyn Creeney 18:21

Ta baase as bioys ayns pooar y chengey, as nee dooinney farrail rere myr t’eh jannoo ymmyd jeh.

Raaghyn Creeney 21:23

Quoi-erbee smaghtys e veeal, as e hengey, t’eh freayll e annym veih seaghyn.

Amos 5:13

Shen-y-fa bee yn dooinney creeney ny host ayns lheid y traa, son s’olk yn traa te.

Colossianee 4:5

Jean-jee gymmyrkey shiu hene dy tastagh ny-vud ocsyn ta mooie, jannoo yn chooid smoo jeh’n traa.

Hebrewnee 2:1

Shen-y-fa lhisagh shin tastey s’gyerey ’choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.