Psalmyn 38:2 - Yn Vible Casherick 1775 1819

² Son ta dty hideyn soit dy shickyr aynym: as ta dty laue lhie orrym dy trome.

Lioar ny Psalmyn 1765 (Pointed)

² Son ta dty hideyn soit dy-shickyr ayn-ym: as ta dty laue lhie orrym dy-trome.

Psalmyn 38:2 ပူးပေါင်းရင်းမြစ်များ

Lioar Yob 6:4

Son ta sideyn yn Ooilley-niartal cheu-sthie jee’m, ta’n pyshoon oc soo seose my spyrryd: ta atchimyn Yee soiaghey ad-hene ayns order-caggee m’oï.

Psalmyn 21:12

Shen-y-fa ver oo orroosyn cooyl y choyrt: as strengyn dty vhow nee oo aarloo noi’n eddin oc.

Psalmyn 32:4

Son ta dty laue trome orrym laa as oie: as ta soo my chorp myr chyrmagh-loshtee yn tourey.

Psalmyn 6:2

Jean myghin orrym, O Hiarn, son ta mee annoon: O Hiarn, slaanee mee, son ta my chraueyn seaghnit.

Psalmyn 64:7

Agh nee Jee lhiggey doaltattym orroo lesh side: dy bee ad dy leah lhottit.

Dobberan 3:12

T’eh er lhoobey e vhow, as er hoiaghey mish son mark da’n tide.

Deuteronomy 2:15

Son va dy jarroo laue’n Chiarn noi oc, dy stroie ad veih mastey’n cheshaght, derrey hie ad ooilley naardey.

Ruth 1:13

Jinnagh shiu farkiagh er nyn son derrey harragh ad gys eash? jinnagh shiu fuirriaght gyn poosey er nyn son? cha vod eh ve, my chloan; son er y ghraih euish, ta mee dy mooar seaghnit, dy vel laue y Chiarn er n’gholl magh m’oï.

1 Samuel 5:11

Myr shen hug ad fys, as haggil ad ooilley chiarnyn ny Philistinee, as dooyrt ad, Cur-jee ersooyl arg Yee Israel, as lhig da goll reesht gys e ynnyd hene, nagh jean eh shin hene, as y pobble ain y stroie: son va cragh baaish trooid ooilley’n ard-valley; va laue Yee feer trome orroo.

1 Samuel 5:6

Agh va laue y Chiarn trome er cummaltee Ashdod; as ren eh ad y stroie, as woaill eh ad lesh ny pileyn, eer Ashdod as e ardjyn.

1 Samuel 6:9

As gow-jee tastey, my te goll seose rish raad ny ardjyn echey hene lesh Beth-shemesh, she eshyn eisht t’er choyrt yn kerraghey trome shoh orrin: agh mannagh gow eh yn raad shen, eisht bee fys ain nagh nee’n laue echeysyn ren shin y woalley; cha row eh agh lhag-haghyrt haink orrin.