Psalmyn 38:12 - Yn Vible Casherick 1775 1819

¹² Adsyn neesht va shleeuit er my vioys, ren ribbaghyn y hoiaghey er my hon: as ren adsyn va shirrey dy yannoo aggair dou, taggloo jeh olkys, as smooinaghtyn er molteyraght fey-ny-laa.

Lioar ny Psalmyn 1765 (Pointed)

¹² Adsyn neesht va sleeuit er my vioys, ren ribbaghyn y hoiaghey er my hon: as ren adsyn va shirrey dy yannoo aggair dou, taggloo jeh olkys, as smooinaghtyn er molteyraght fey-ny-laa.

Psalmyn 38:12 ပူးပေါင်းရင်းမြစ်များ

Lioar Yob 19:13

T’eh er scughey my vraaraghyn foddey voym, as ta my eer ainjyssee jannoo quaagh jee’m.

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 119:110

Ta ny mee-chrauee er hoiaghey ribbey er my hon: agh ny-yeih cha jagh mee er-shaghryn veih dty annaghyn.

Psalmyn 140:5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t’ad er hoiaghey trappyn ayns my raad.

Psalmyn 141:9

Agh ta my hooillyn jeeaghyn hood’s, O Hiarn Yee: aynyd’s ta my hreishteil, O ny jean m’annym y hreigeil.

Psalmyn 31:12

Ta my niart dy m’ailleil, kyndagh rish my vee-chraueeaght: as ta my chraueyn er choayl nyn mioyr.

Psalmyn 35:20

As cre’n-oyr? cha vel y ghlare oc son shee: agh t’ad soit er goan scammyltagh noi ocsyn ta sheeoil ayns y cheer.

Psalmyn 35:4

Bee ad er nyn gastey, as er nyn goyrt gys nearey, ta shelg lurg m’annym: ver ad cooyl, as bee ad er nyn goyrt mow, ta kiarail olk m’oï.

Psalmyn 41:5

Ta my noidyn loayrt dy olk jee’m: Cuin yiow eh baase, as cuin nee e ennym cherraghtyn?

Psalmyn 54:3

Son ta joarreeyn er n’irree seose m’oï: as ta tranlaasee nagh vel Jee oc roish nyn sooillyn shirrey lurg my vioys.

Psalmyn 69:9

Son ta’n ghraih jeean t’aym da dty hie dy jarroo er ghuinney mee gys y chree: as ta ny oghsanyn ocsyn hug scammylt dhyt’s, er duittym orrym’s.

Psalmyn 88:9

Ta my hoilshey gaase moal lesh eer seaghyn: Hiarn, ta mee er n’eamagh ort’s gagh laa, ta mee er heeyney magh my laueyn hood’s.

Raaghyn Creeney 19:7

Ta deiney-mooinjer y voght ooilley dy choyrt cooyl rish: cre-woad smoo ta e chaarjyn goll foddey veih? t’eh geiyrt orroo lesh e ghoan, agh cha vel geill oc da.