Psalmyn 37:9 - Yn Vible Casherick 1775 1819

⁹ Bee drogh-yantee er nyn astyrt ass ny fraueyn: as adsyn ta dy surransagh farkiaght er y Chiarn, yiow ad shoh eiraght ’sy cheer.

Lioar ny Psalmyn 1765 (Pointed)

⁹ Bee drogh-yantee er nyn astyrt ass ny fraueyn: as adsyn ta dy-surransagh farkiaght er y Chiarn, yiow ad shoh eiraght ’sy cheer.

Psalmyn 37:9 ပူးပေါင်းရင်းမြစ်များ

Psalmyn 25:13

Ta folliaght y Chiarn nyn mast’ ocsyn ta goaill aggle roish: as nee eh soilshaghey daue e chonaant.

Psalmyn 37:29

Bee’n sleih neu-chairagh er nyn gerraghey: er son sluight ny mee-chrauee, bee eh astyrit ass ny fraueyn.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Raaghyn Creeney 2:21

Son nee deiney ynrick cummal ’sy cheer, as nee feallagh ny firrinys tannaghtyn ayn.

Isaiah 57:13

Tra t’ou geamagh, lhig da dty heshaghyn oo y livrey: agh nee’n gheay sheebey ad ooilley ersooyl; nee fardail ad y ghoaill jeh: agh eshyn ta coyrt e hreishteil aynym’s nee eh cummal ayns y cheer, as yiow eh eiraght ayns my lieau’s casherick;

Isaiah 58:14

Eisht gowee oo ard-voggey ayns y Chiarn; as ver-yms ort’s markiaght er ynnydyn ard ny hooirey, as nee’m oo y veaghey marish eiraght Yacob dty ayr: son ta beeal y Chiarn er loayrt eh.

Isaiah 60:21

Bee dty phobble myrgeddin ooilley ynrick: bee yn cheer oc son eiraght beayn, banglane my hoiaghey, my obbyr-lauee hene, dy voddym’s v’er my ghloyraghey.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Earrooyn 26:65

Son mychione oc shoh dooyrt y Chiarn, Yiow ad son shickyrys baase ayns yn aasagh. As cha row dooinney jeu er-mayrn, agh Caleb mac Jephunneh, as Joshua mac Nun.

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Hebrewnee 11:16

Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Joshua 14:9

As ren Moses breearrey er y laa cheddin, gra, Son shickyrys bee’n cheer shen er ta dty chassyn er hooyl yn eiraght ayd’s, as dty chloan’s son dy bragh, son dy vel oo dy slane er lhiantyn gys y Chiarn my Yee.

Ashlish 5:10

As t’ou er n’yannoo shin da’n Jee ain, reeaghyn as saggyrtyn: as nee mayd reill er y thalloo.