Psalmyn 37:4 - Yn Vible Casherick 1775 1819

⁴ Gow taitnys ayns y Chiarn: as ver eh dhyt yeearree dty chree.

Lioar ny Psalmyn 1765 (Pointed)

⁴ Gow taitnys ayns y Chiarn: as ver eh dhyt yeearree dty chree.

Psalmyn 37:4 ပူးပေါင်းရင်းမြစ်များ

Lioar Yob 22:26

Son eisht bee dty haitnys ’syn Ooilley-niartal, as nee oo dty eddin y hroggal seose gys Jee.

Lioar Yob 27:10

Jean eh taitnys y ghoaill ayns yn Ooilley-niartal? jean eh dy kinjagh geamagh er Jee?

Lioar Yob 34:9

Son t’eh er ghra, Cha vel eh vondeish erbee da dooinney dy ghoaill taitnys ayns Jee.

Psalmyn 104:34

As shen myr nee my ghoan eshyn y wooiys: bee my voggey ayns y Chiarn.

Psalmyn 145:19

Cooilleenee eshyn yn yeearree ocsyn ta goaill aggle roish: clynnee eh myrgeddin yn eam oc, as cooinee eh lhieu.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Isaiah 58:14

Eisht gowee oo ard-voggey ayns y Chiarn; as ver-yms ort’s markiaght er ynnydyn ard ny hooirey, as nee’m oo y veaghey marish eiraght Yacob dty ayr: son ta beeal y Chiarn er loayrt eh.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 15:7

My nee shiu tannaghtyn aynym’s, as my ghoan’s tannaghtyn ayndiuish, shirree shiu cre sailliu, as bee eh jeant er nyn son.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr: