Psalmyn 37:3 - Yn Vible Casherick 1775 1819

³ Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Lioar ny Psalmyn 1765 (Pointed)

³ Cur uss dty varrant er y Chiarn, as jean dy-mie: jean cummal ayns y cheer, as bee oo dy firrinagh er dty yannoo magh.

Psalmyn 37:3 ပူးပေါင်းရင်းမြစ်များ

Genesis 26:2

As hoilshee yn Chiarn eh-hene da, as dooyrt eh, Ny gow sheese gys Egypt, cum ’sy cheer jeeagh-ym dhyt.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

1 Reeaghyn 19:6

As yeeagh eh, as cur-my-ner, va berreen broit er ny smarageyn, as saagh ushtey ec e chione. As ren eh gee as giu, as lhie eh sheese reesht.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 33:19

Ta’n annym ain dy meen er ny ve farkiaght er y Chiarn: she eshyn nyn gooney as nyn vendeilagh.

Psalmyn 4:5

Cheb-jee yn oural dy chairys: as cur-jee nyn dreishteil ayns y Chiarn.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Raaghyn Creeney 3:5

Cur dty hreishteil ayns y Chiarn lesh ooilley dty chree; as ny cur barrant er dty hushtey hene.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Isaiah 50:10

Quoi ny-vud eu ta goaill aggle roish y Chiarn, ta biallagh da coraa e harvaant, ta shooyl ’sy dorraghys, as fegooish soilshey? lhig da treishteil ayns ennym y Chiarn, as barrant y choyrt er e Yee.

Noo Luke 22:35

As dooyrt eh roo, Tra hug mee shiu magh fegooish sporran, as spagey, as braagyn, row nhee erbee dy laccal erriu? As dooyrt ad, Cha row nhee erbee.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.