Psalmyn 36:9 - Yn Vible Casherick 1775 1819

⁹ Son mayrt’s ta farrane y vea: as ayns dty hoilshey nee mayd fakin soilshey.

Lioar ny Psalmyn 1765 (Pointed)

⁹ Son mârts ta chibbyr y vea: as ayns dty hoilshey nee mayd fakin soilshey.

Psalmyn 36:9 ပူးပေါင်းရင်းမြစ်များ

Lioar Yob 29:3

Tra ren e chainle soilshean er my chione, as tra liorish e hoilshey ren mee gimmeeaght trooid dorraghys;

Psalmyn 27:1

Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 65:5

Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey lhean.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Isaiah 12:3

Shen-y-fa nee shiu tayrn ushtey lesh boggey ass ny chibbraghyn dy haualtys.

Isaiah 2:5

O hie Yacob, tar-jee as lhig dooin gimmeeaght ayns soilshey yn Chiarn.

Isaiah 60:19

Cha bee yn ghrian ny smoo dty hoilshey ’sy laa, chamoo son ray-sollys bee yn eayst ayd son soilshey dhyt: agh bee yn Chiarn dhyt soilshey dy bragh farraghtyn, as bee dty Yee dty ghloyr;

Jeremiah 2:13

Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Noo Ean 4:14

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooylee eh ayns y dorraghys, agh bee echeysyn soilshey yn vea.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver-yms dasyn ta paagh farrane ushtey’n vea nastee.

Ashlish 22:17

As ta’n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.