Psalmyn 36:3 - Yn Vible Casherick 1775 1819

³ Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

Lioar ny Psalmyn 1765 (Pointed)

³ Ta goan e veeall neu-ynrick as laane dy oalsaght: t’eh er vaagail jeh dy ymmyrkey eh hene dy-creeney, as jeh jannoo dy-mie.

Psalmyn 36:3 ပူးပေါင်းရင်းမြစ်များ

2 Samuel 22:22

Son ta mee er vreayll raaidyn y Chiarn, as cha vel mee dy mee-chrauee er hreigeil my Yee.

2 Recortyssyn 20:32

As ren eh gimmeeaght ayns raad Asa e ayr, as cha hyndaa eh dy lhiattee, jannoo shen ny va cairagh ayns shilley’n Chiarn.

Psalmyn 10:7

Ta’n beeal echey lane dy ghweeaghyn, dy oalsaght as molteyrys: fo e hengey ta mee-chraueeaght as fardail.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Psalmyn 140:3

T’ad er shleeu nyn jengaghyn myr ard-nieu: ta pyshoon yn adder fo nyn meillyn.

Psalmyn 5:9

Son cha vel veg y firrinys ayns e veeal: ta ny ayrnyn cheu-sthie oc eer olkys.

Psalmyn 55:21

Chur eh e laueyn orroosyn va ayns shee rish: as vrish eh e chonaant.

Psalmyn 58:3

Ta ny mee-chrauee frourtagh, dy jarroo veih breïn nyn mayrey: cha leah as t’ad er nyn ruggey, t’ad goll er-shaghryn, as loayrt breagyn.

Psalmyn 94:8

Gow-jee tastey, shiuish vee-hushtee mastey’n pobble: O shiuish ommydanyn, cuin nee shiu toiggal?

Raaghyn Creeney 4:16

Son cha vod ad cadley mannagh vel ad er n’yannoo olk: as ta’n cadley oc goll voue, mannagh der ad er paart dy huittym.

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Hosea 8:3

Ta Israel er hreigeil shen ta mie; nee yn noid eh y helg.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

Noo Mian 22:35

As dênee fer jeu ard-ynsit ’sy leigh, question jeh, dy phrowal eh, gra,

Noo Luke 11:25

As tra t’eh cheet, t’eh dy gheddyn eh sceabit as soit magh dy stoamey.

Hebrewnee 10:39

Agh cha vel shin jeh nyn lheid ta tayrn back gys y toyrt-mow oc hene; agh jeusyn ta credjal, gys saualtys anmey.

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

1 Samuel 15:26

As dooyrt Samuel rish Saul, Cha jyndaa-ym mayrt: son t’ou er hoiaghey beg jeh goo’n Chiarn, as ta’n Chiarn er hilgey uss jeh veih ve ny ree harrish Israel.

1 Samuel 16:14

Agh ren Spyrryd y Chiarn Saul y hreigeil, as v’eh seaghnit lesh spyrryd dy olkys veih’n Chiarn.

1 Samuel 18:21

As dooyrt Saul, Ver-yms ee da dy ve son ribbeh da, as dy vod laue ny Philistinee ve n’oï. Shen-y-fa dooyrt Saul rish David, Bee uss jiu my vac-’sy-leigh lesh unnane jeh’n jees.

1 Samuel 26:21

Eisht dooyrt Saul, Ta mee er n’yannoo dy olk: chyndaa, my vac Ghavid; son cha jean-ym maghey shoh skielley dhyt, er-yn-oyr dy row my vioys deyr ayns dty hilley er y laa shoh: cur-my-ner, ta mee er n’yannoo dy ommijagh, as er ve dy mooar er-shaghryn.