Psalmyn 34:3 - Yn Vible Casherick 1775 1819

³ O moylley-jee yn Chiarn mârym: as lhig dooin ard-voylley ’choyrt da’n Ennym echey ry-cheilley.

Lioar ny Psalmyn 1765 (Pointed)

³ O moylley-jee yn Chiarn mârym: as lhig dooin ard-voylley ’choyrt da’n Ennym echey ry-cheïley.

Psalmyn 34:3 ပူးပေါင်းရင်းမြစ်များ

1 Recortyssyn 16:10

Gow-jee boggey ayns e ennym casherick; lhig da’n cree ocsyn ve gennal ta shirrey lurg y Chiarn.

1 Recortyssyn 29:20

As dooyrt David rish ooilley’n cheshaght, Nish bannee-jee’n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da’n Chiarn, as y ree.

2 Recortyssyn 29:30

Marish shoh, doardee ree Hezekiah, as ny princeyn da ny Leviteyn dy ghoaill arraneyn-moyllee da’n Chiarn, lesh goan Ghavid, as Asaph yn ashleyder: as ghow ad arraneyn-moyllee lesh boggey, as chroym ad nyn ghing, as hug ad ooashley.

Psalmyn 35:27

Lhig dauesyn ve gennal as goaill boggey ta er cheu my ghellal yeeragh: dy jarroo lhig daue dy kinjagh gra, Bannit dy row yn Chiarn, ta goaill taitnys ayns maynrys e harvaant.

Psalmyn 40:16

O Hiarn, lhig da ve dty aigney dy my livrey: jean siyr, O Hiarn, dy chooney lhiam.

Psalmyn 66:8

Ta freayll yn annym ain ayns bioys: as nagh vel lhiggey da nyn gassyn dy skyrraghtyn,

Psalmyn 69:30

Er my hon’s, tra ta mee boght as ayns trimshey: nee dty chooney, O Yee, mish y hroggal seose.

Psalmyn 69:33

Ver y vooinjer imlee tastey da shoh, as bee ad gennal: shir-jee lurg Jee, as bee’n annym eu bio.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Noo Luke 1:46

As dooyrt Moirrey, Ta m’annym cur ard-voylley da’n Chiarn.

Jannoo 19:17

As hooar ooilley ny Hewnyn, as ny Ashoonee va baghey ec Ephesus fys er shoh; as haink aggle orroo ooilley, as va ard-voylley er ny choyrt da ennym y Chiarn Yeesey.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Ashlish 14:7

Gra lesh ard-choraa, Gow-jee aggle roish Jee, as cur-jee gloyr da; son ta oor y vriwnys echey er jeet: as cur-jee ooashley dasyn chroo niau as thalloo, as yn aarkey, as ny farraneyn ushtey.