Psalmyn 33:9 - Yn Vible Casherick 1775 1819

⁹ Son loayr eh, as ve jeant: hug eh sarey, as hass eh shickyr.

Psalmyn Ghavid 1761 (Metrical)

⁹ Dagh nhee va jeant, hug biallys, Leah’s haink y sarey magh.

Lioar ny Psalmyn 1765 (Pointed)

⁹ Son loayr eh, as ve jeant: hug eh saarey, as hass eh shickyr.

Psalmyn 33:9 ပူးပေါင်းရင်းမြစ်များ

Genesis 1:3

As dooyrt Jee, Lhig da soilshey ’ve ayn: as va soilshey ayn.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Hebrewnee 11:3

Trooid credjue ta shin toiggal dy row ny seihllyn er nyn groo liorish goo Yee, myr shen nagh row ny reddyn ta ry-akin jeant jeh stoo erbee dy row eisht ayn.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Psalmyn 93:5

Ta tonnyn ny marrey niartal, as jannoo feiyr atchimagh: agh ny-yeih ta’n Chiarn, ta cummal er yn yrjid, ny s’niartal.

Genesis 1:1

Ayns y toshiaght chroo Jee niau as thalloo.

Dobberan 3:37

Quoi eshyn ta gra, as te cheet gy-kione, tra nagh vel y Chiarn er harey eh?