Psalmyn 33:3 - Yn Vible Casherick 1775 1819

³ Gow-jee arrane noa gys y Chiarn: trog-jee seose nyn goraa huggeysyn ayns bingys dy jeean as lesh cree gennal.

Lioar ny Psalmyn 1765 (Pointed)

³ Gow-jee arrane noa gys y Chiarn: trogg-jee seose nyn ghoraa huggeysyn ayns bingys dy-jeean as lesh cree gennal.

Psalmyn 33:3 ပူးပေါင်းရင်းမြစ်များ

1 Recortyssyn 13:8

As chloie David as ooilley Israel kiongoyrt rish Jee lesh ard choraa, as lesh kiaulleeaght, as lesh claasaghyn, as lesh psaltereeyn, as lesh timbrelyn, as lesh cymballyn, as lesh trumpetyn.

1 Recortyssyn 15:22

As Chenaniah, va’n ard-arraneagh jeh ny Leviteyn: mainshtyr-ynsee ny arraneyn-moyllee, son v’eh schleioil.

1 Recortyssyn 25:7

Myr shen yn earroo ocsyn, marish nyn mraaraghyn va ynsit ayns arraneyn y Chiarn, eer adsyn va schleioil va daa cheead kiare-feed as hoght.

2 Recortyssyn 34:12

As ren ny deiney yn obbyr dy firrinagh: as va ny oaseiryn v’orroo Jahath, as Obadiah, ny Leviteyn, jeh mec Merari; as Zechariah, as Meshullam, jeh mec ny Kohathiteyn, dy chur yn obbyr er y hoshiaght; as Leviteyn elley, schleioil er greinyn bingys.

Psalmyn 144:9

Goym’s arrane-moyllee noa hood’s, O Yee: as hood’s nee’m kiaulleeaght er lute dy yeih strengyn.

Psalmyn 149:1

O gow-jee arrane noa gys y Chiarn: lhig da agglish ny nooghyn eshyn y voylley.

Psalmyn 40:3

As t’eh er choyrt arrane noa ayns my veeal: dy jarroo, toyrt-booise gys y Jee ain.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Psalmyn 96:1

O gow-jee arrane noa da’n Chiarn: gow-jee arrane da’n Chiarn, ooilley yn slane seihll.

Psalmyn 98:1

O gow-jee arrane noa gys y Chiarn: son t’eh er n’yannoo reddyn yindyssagh.

Isaiah 42:10

Gow-jee arrane noa gys y Chiarn, as cur-jee moylley da er feaï-ny-cruinney; shiuish ta taaghey yn aarkey, as ooilley ny ta ayn; ny ellanyn, as nyn gummaltee.

Ephesianee 5:19

Loayrt riu hene ayns psalmyn as arraneyn-moyllee, as arraneyn spyrrydoil; jannoo bingys as kiaull ayns nyn gree gys y Chiarn;

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.

Ashlish 14:3

As ghow ad myr dy beagh eh arrane noa kiongoyrt rish y stoyl-reeoil, as kiongoyrt rish ny kiare cretooryn bio, as y chanstyr: as cha dod dooinney erbee yn arrane shen y ynsaghey, agh y chiaght feed as kiare thousaneyn, v’er nyn veaysley veih broïd y theihll.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;