Psalmyn 32:5 - Yn Vible Casherick 1775 1819

⁵ Goym rish my pheccah hood’s: as my neu-chairys cha vel mee er cheiltyn.

Psalmyn Ghavid 1761 (Metrical)

⁵ Ayns padjer loght my vea; Dty ghrayse as myghin hug dou couyr, As va my chree ec fea.

Lioar ny Psalmyn 1765 (Pointed)

⁵ Goym rish my pheccah hoods: as my neu-chairys cha vel mee er cheiltyn.

Psalmyn 32:5 ပူးပေါင်းရင်းမြစ်များ

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

2 Samuel 12:9

Cre’n-fa t’ou er hoiaghey beg jeh anney’n Chiarn, dy yannoo olk ayns e hilley? T’ou er varroo Uriah yn Hittite lesh y chliwe, as er ghoaill y ven echey dy ve son ben dhyt hene, as t’ou er varroo eh lesh cliwe cloan Ammon.

2 Samuel 24:10

As woaill cree David eh lurg da v’er n’ghoaill earroo’n pobble: as dooyrt David rish y Chiarn, Ta mee kyndagh jeh peccah trome liorish shen ta mee er n’yannoo: as nish, ta mee guee ort, O Hiarn, gow ersooyl loght dty harvaant; son s’mooar ta my pheccah.

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

1 Reeaghyn 8:50

As leih da dty phobble t’er n’yannoo peccah dt’oï, as ooilley nyn ghrogh-yannoo t’ad er chur-rish dt’oï, as lhig daue foayr y gheddyn vouesyn hug lhieu ad ayns cappeeys, dy vod ad ve erreeishagh daue:

2 Recortyssyn 6:29

Eisht cre-erbee’n phadjer, ny cre-erbee’n accan vees jeant liorish dooinney erbee, ny liorish ooilley dty phobble Israel, tra ta dy chooilley ghooinney toiggal e loght, as e hrimshey hene, as skeayley magh e laueyn ’sy thie shoh:

Ezra 10:11

Nish er-y-fa shen, gow-jee rish nyn beccaghyn gys y Chiarn, Jee nyn ayraghyn, as jean-jee e aigney, as scarr-jee shiu hene veih pobble y cheer, as veih mraane joarree.

Lioar Yob 31:33

My ren mee my pheccaghyn y choodaghey myr ren Adam, liorish keiltyn my loght fo my oghrish;

Lioar Yob 33:27

T’eh jeeaghyn er deiney; as my jir fer erbee, Ta mee er n’yannoo peccah, as er chassey cairys, as cre-woad share mee?

Psalmyn 103:12

Jeeagh cre cha lhean as ta’n shiar veih’n sheear: choud cheddin t’eh er hoiaghey nyn beccaghyn voïn.

Psalmyn 103:3

Ta leih ooilley dty pheccah: as slaanaghey ooilley dty ghoghanyn;

Psalmyn 25:16

Ta trimshey my chree er ny vishaghey: O cur uss lhiat mee ass my heaghyn.

Psalmyn 25:18

Jeeagh er my noidyn kys t’ad er nyn mishaghey: as t’ad gymmyrkey goanlys tranlaasagh m’oï.

Psalmyn 30:5

Son cha vel e chorree farraghtyn agh meekey sooilley, as ayns y foayr echey ta bea: foddee trimshey farraghtyn son oie, agh ta boggey cheet ’sy voghrey.

Psalmyn 38:18

Son nee’m goaill-rish my olkys: as bee’m trimshagh son my pheccah.

Psalmyn 38:19

Agh ta my noidyn bio as niartal: as t’adsyn ta dwoaie oc orrym gyn oyr, ymmodee ayns earroo.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Raaghyn Creeney 30:20

Lheid cheddin ta aght y streebagh; t’ee gee, as glenney e beeal, gra, Cha vel mee er n’yannoo olk erbee.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Jeremiah 2:23

Kys oddys oo gra, Cha vel mee neu-ghlen, cha vel mee er n’eiyrt er Baalim? Jeeagh reesht gys dty raad ’sy choan, cooinee er shen t’ou er n’yannoo: t’ou myr dromedaree bieau joltagh er y raad;

Jeremiah 2:35

Foast t’ou uss gra, Er-y-fa dy vel mee gyn foill, shickyr nee e chorree chyndaa voym: cur-my-ner, prow-ym ort eh, son dy vel oo gra, Cha vel mee er n’yannoo peccah.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Leviticus 5:5

As tra t’eh foiljagh ayns veg jeh ny reddyn shoh, t’eh dy ghoaill rish, dy vel eh er n’yannoo peccah ’sy red cheddin.

Malachi 3:8

Jean dooinney maarlys er Jee? foast ta shiuish er n’yannoo maarlys orrym’s; agh ta shiu gra, Cre ayn ta shin er n’yannoo maarlys ort? Ayns jagheenyn as ourallyn.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Luke 7:47

Shen-y-fa ta mee gra rhyt, Ta ny peccaghyn eck ta ymmodee, er nyn leih jee: shen-y-fa wheesh shen smoo ta yn ghraih eck: agh dasyn ta beggan er ny leih, cha vel e ghraih agh beggan.

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.