Psalmyn 31:1 - Yn Vible Casherick 1775 1819

¹ Aynyd’s, O Hiarn, ta mee er choyrt my hreishteil: ny lhig dou dy bragh v’er my choyrt gys nearey; livrey mee ayns dty chairys.

Lioar ny Psalmyn 1765 (Pointed)

¹ Ayn-yds, O Hiarn, ta mee er choyrt my hreishteil: ny lhig dou dy-bragh v’er my choyrt gys nearey; livrey mee ayns dty chairys.

Psalmyn 31:1 ပူးပေါင်းရင်းမြစ်များ

Psalmyn 143:1

Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys;

Psalmyn 25:2

Son cha bee veg jeusyn ooilley ny ta treishteil aynyd’s er nyn naaraghey: agh bee nyn lheid as ta girree-magh gyn oyr er nyn goyrt bun-ry-skyn.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Isaiah 49:23

As bee ayd reeaghyn son dty ayraghyn boandyrys, as ny mraane-reïn son dty voiraghyn boandyr: nee ad croymmey sheese hood’s lesh nyn eddin gys y thalloo, as nee ad joan dty chassyn y liee; as bee fys ayd’s dy nee mish y Chiarn: son cha bee oyr nearey orroosyn ta farkiaght er my hon.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Romanee 10:11

Son ta’n scriptyr gra, Quoi-erbee ta credjal ersyn, nagh bee eh er ny choyrt gys nearey.

Romanee 5:5

As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.