Psalmyn 30:7 - Yn Vible Casherick 1775 1819

⁷ Hyndaa oo dt’eddin voym: as va mee seaghnit.

Lioar ny Psalmyn 1765 (Pointed)

⁷ Hyndaa oo dt’eddin voym: as va mee seaghnit.

Psalmyn 30:7 ပူးပေါင်းရင်းမြစ်များ

Lioar Yob 10:12

T’ou er choyrt dou bea as foayr, as ta dty ard-chiaralys er choadey my spyrryd.

Psalmyn 10:1

Cre hon t’ou shassoo choud jeh, O Hiarn: as follaghey dt’eddin ayns y traa femoil dy heaghyn?

Psalmyn 102:10

As shen er coontey dty yymmoose as dty chorree: son t’ou er my hroggal seose, as er my hilgey sheese.

Psalmyn 104:29

Tra t’ou follaghey dt’eddin, t’ad seaghnit: tra t’ou goaill ersooyl yn ennal oc, t’ad geddyn baase, as t’ad chyndaït reesht gys nyn ooir;

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 30:5

Son cha vel e chorree farraghtyn agh meekey sooilley, as ayns y foayr echey ta bea: foddee trimshey farraghtyn son oie, agh ta boggey cheet ’sy voghrey.

Psalmyn 40:2

Hug eh lesh mee neesht magh ass y lhag atchimagh, magh ass y laagh as y chray: as hoie eh my chassyn er y chreg, as ren eh my immeeaght y oardrail.

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Psalmyn 5:12

As lhig dauesyn ooilley ta coyrt nyn dreishteil aynyd’s, boggey ’ghoaill: bee adsyn dy kinjagh coyrt booise, son dy vel oo fendeil ad; adsyn ta graihagh er dt’Ennym, vees lane dy voggey aynyd’s.

Psalmyn 89:17

Bee yn taitnys oc gagh laa ayns dt’Ennym’s: as ayns dty chairys nee ad boggyssagh;

Isaiah 38:17

Cur-my-ner, ayns ynnyd shee, va mee ayns diunid sproght; agh t’ou uss, O Hiarn, jeh dty ghraih er hayrn my annym veih’n ooig dy loauid: son t’ou er hilgey ooilley my pheccaghyn er cheu dty chooylloo.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?