Psalmyn 30:11 - Yn Vible Casherick 1775 1819

¹¹ Clasht, O Hiarn, as jean myghin orrym: Hiarn, bee uss my er-coonee.

Lioar ny Psalmyn 1765 (Pointed)

¹¹ Clasht, O Hiarn, as jean myghin orrym: Hiarn, bee uss my er-coonee.

Psalmyn 30:11 ပူးပေါင်းရင်းမြစ်များ

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Isaiah 25:8

Nee eh sluggey seose baase ayns barriaght, as nee yn Chiarn Jee glenney ersooyl jeïr veih dy chooilley ghruaie, as oltooan e phobble nee eh goaill ersooyl veih ooilley yn seihll: son ta’n Chiarn er loayrt eh.

Ecclesiastes 3:4

Traa son keayney, as traa son garaghtee: traa son dobberan, as traa son daunsin:

2 Recortyssyn 20:12

O nyn Yee, nagh jean oo ad y vriwnys? son s’beg ta’n niart ainyn noi’n cheshaght vooar shoh ta cheet orrin: chamoo ta fys ain cre nee mayd, agh ort’s ta nyn sooillyn.

Psalmyn 149:3

Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;

Psalmyn 150:4

Moylley-jee eh lesh ny cymballyn as daunsin: cur-jee moylley da er ny greïnyn strengit as y feddan.

Noo Luke 15:22

Agh dooyrt yn ayr rish e harvaantyn, Cur-jee lhieu magh yn coamrey share, as cur-jee er eh, as cur-jee fainey er e laue, as braagyn er e chassyn.

Psalmyn 30:5

Son cha vel e chorree farraghtyn agh meekey sooilley, as ayns y foayr echey ta bea: foddee trimshey farraghtyn son oie, agh ta boggey cheet ’sy voghrey.

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Psalmyn 4:7

Hiarn, trog uss seose: soilshey dt’eddin orrin.

Noo Ean 16:20

Dy firrinagh firrinagh ta mee gra riu, Dy jean shiuish keayney as dobberan, agh nee yn seihll boggey y ghoaill: as bee shiuish trimshagh, agh bee yn trimshey eu er ny hyndaa gys boggey.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

2 Recortyssyn 20:9

Tra hig olk erbee orrin, myr y cliwe, briwnys, y chramp, ny genney, my nee mayd shassoo roish y thie shoh, as ayns dt’enish, (son ta dt’ennym ’sy thie shoh) as geamagh hood’s ayns nyn seaghyn, eisht nee oo clashtyn as ver oo cooney.

Isaiah 25:3

Er-y-fa shen nee yn pobble niartal oo y ghloyraghey, nee ard-valley ny ashoonee atchimagh aggle y ghoaill royd.

Esther 9:22

Son dy dooar ny Hewnyn er ny laghyn shen fea veih nyn noidyn, as dy row yn vee shen er ny hyndaa veih trimshey gys gennallys, as veih dobberan, gys laa bannee: dy yannoo laghyn dy chuirraghyn as gien mie, as dy choyrt giootyn yn derrey yeh gys y jeh elley, as cooney gys ny boghtyn.

Nehemiah 8:10

Eisht dooyrt eh roo, Immee-jee reue, ee-jee, as iu-jee jeh’n chooid share, as cur-jee ayrn hucsyn ta ayns feme: son ta’n laa shoh casherick gys y Chiarn: chamoo bee-jee trimshagh, son ta boggey’n Chiarn yn niart euish.

Genesis 45:28

As dooyrt Israel, Te dy liooar; ta Joseph my vac foast bio: hem dy akin eh my voym baase.

Genesis 37:35

As dirree ooilley e vec, as ooilley e inneenyn dy gherjaghey eh; agh dob eh dy ve er ny gherjaghey: as dooyrt eh; Son hem’s sheese ’syn oaie gys my vac, lesh trimshey. Shoh myr ren e ayr dobberan er e hon.

2 Recortyssyn 20:3

As va aggle er Jehoshaphat, as chiare eh dy hirrey yn Chiarn, as doardee eh trostey dy ve er ny reayll trooid ooilley Judah.

Psalmyn 27:7

Shen-y-fa neem’s oural y hebbal ayns e ynnyd casherick lesh ard-ghennallys: nee’m arrane y ghoaill, as soilshaghey magh moylley yn Chiarn.

Jeremiah 52:33

As ren eh caghlaa e gharmadyn-pryssoon; as d’ee eh arran dy kinjagh marish hene ooilley laghyn e vea.