Psalmyn 30:1 - Yn Vible Casherick 1775 1819

¹ Ver-yms ard-voylley dhyt’s, O Hiarn, son t’ou er my hoiaghey seose: as cha vel oo er lhiggey da my noidyn dy ve mooaralagh harrym.

Lioar ny Psalmyn 1765 (Pointed)

¹ Ver-yms ard-voylley dhyts, O Hiarn, son t’ow er my hoiaghey seose: as cha vel oo er lhiggey da my noidyn dy ve mooaralagh harrym.

Psalmyn 30:1 ပူးပေါင်းရင်းမြစ်များ

2 Samuel 20:3

As haink David gys e hie ayns Jerusalem, as ghow’n ree ny jeih mraane e cho-lhiabbee, v’eh er n’aagail dy reayll e hie, as yeigh eh seose ad ayns thie er-lheh, as doardee eh beaghey daue, agh cha row echey dy yannoo roo: myr shoh v’ad scarrit voish derrey laa nyn maaish, baghey myr mraane-treoghe.

2 Samuel 24:25

As hrog David ayns shen altar gys y Chiarn, as heb eh ourallyn-losht, as ourallyn-shee. Er shoh va’n Chiarn chymmoil da’n cheer, as va’n plague er ny chastey veih Israel.

2 Samuel 5:11

As hug Hiram ree Tyre chaghteryn gys David, as biljyn-cedar, as seyir, as masoonee; as hrog ad thie da David.

2 Samuel 6:20

Eisht hyndaa David dy vannaghey lught e hie: as haink Michal inneen Saul magh quail David, as dooyrt ee, Cre cha gloyroil va ree Israel jiu, yeeagh eh hene rooisht jiu ayns fakin inneenyn-veyl e harvaantyn, myr ta’n fer gyn-nearey roostey eh hene!

2 Samuel 7:2

Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

1 Reeaghyn 8:63

As heb Solomon ourallyn-shee, heb eh da’n Chiarn daa housane as feed dy ghew, as keead thousane as feed dy chirree. Myr shen ren y ree as ooilley cloan Israel thie’n Chiarn y chasherickey.

1 Recortyssyn 21:6

Agh Levi as Benjamin cha ren eh coontey ny-vud oc: son va sarey’n ree dy trome noi aigney Yoab.

Psalmyn 13:4

Er-aggle dy jir my noid, Ta mee er gheddyn y varriaght er: son my vee’m er my hilgey sheese, nee adsyn ta dy my heaghney boggey ’ghoaill jeh.

Psalmyn 140:8

Ny lhig da’n dooinney mee-chrauee cooilleen-aigney ’gheddyn orrym, O Hiarn: ny lhig da ny saaseyn aggairagh echey goaill toshiaght, nagh bee ad ro voyrnagh.

Psalmyn 145:1

Ver-yms ard-voylley dhyt, O Yee my Ree: as neem’s dty Ennym y vannaghey son dy bragh as dy bragh.

Psalmyn 25:2

Son cha bee veg jeusyn ooilley ny ta treishteil aynyd’s er nyn naaraghey: agh bee nyn lheid as ta girree-magh gyn oyr er nyn goyrt bun-ry-skyn.

Psalmyn 27:6

As nish troggee eh seose my chione: erskyn my noidyn mygeayrt-y-moom.

Psalmyn 28:9

Yn Chiarn my niart: as eshyn fendeilys slayntoil e er-ooilit.

Psalmyn 35:19

O ny lhig dauesyn ta my noidyn boggyssagh harrym dy aggairagh: chamoo lhig daue meekey lesh nyn sooillyn ta dwoaie oc orrym gyn oyr.

Psalmyn 41:11

Liorish shoh ta fys aym dy vel oo foayroil dou: nagh vel my noid geddyn barriaght m’oï.

Psalmyn 66:17

Agh ta Jee er my chlashtyn: as er choyrt tastey da coraa my phadjer.

Psalmyn 79:10

Cre’n-fa ta ny ashoonyn-quaagh gra: Cre vel nish yn Jee oc?

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Dobberan 2:15

Ta ooilley ta goll shaghey bassey nyn laueyn ort; t’ad tassane as craa nyn ghing er inneen Yerusalem, gra, Nee shoh yn ard-valley ta sleih genmys yn ard-aalid as boggey’n slane seihll?

Daniel 4:37

Nish ta mish Nebuchadnezzar cur moylley, as ard-voylley, as ooashley da ree ny flaunys, ta ooilley e obbraghyn firrinys, as e raaidyn briwnys, as adsyn ta gimmeeaght ayns moyrn t’eshyn niartal dy injillaghey.

Deuteronomy 20:5

As nee ny leeideilee fockley magh ayns clashtyn y cheshaght, gra, Quoi’n dooinney t’er hroggal thie noa, as nagh vel er chasherickey eh? Lhig da goll dy chummal gys e hie, er-aggle dy duitt eh ’sy chaggey, as dooinney elley dy ghoaill soylley jeh.