Psalmyn 3:8 - Yn Vible Casherick 1775 1819

⁸ Ta Saualtys bentyn gys y Chiarn: as ta dty vannaght er dty phobble.

Lioar ny Psalmyn 1765 (Pointed)

⁸ Ta Saualtys bentyn gys y Chiarn: as ta dty vannaght er dty phobble.

Psalmyn 3:8 ပူးပေါင်းရင်းမြစ်များ

2 Samuel 23:12

Agh hass eh ayns mean y vagher, as ren eh fendeil eh, as varr eh ny Philistinee: as hug y Chiarn da slane barriaght.

Psalmyn 119:94

Ta mee lhiat’s; O saue mee: son ta mee er hirrey lurg dt’annaghyn.

Psalmyn 31:16

Agh ta my hreishteil er ny ve aynyd’s, O Hiarn: ta mish er ghra, She uss my Yee.

Psalmyn 58:7

Lhig daue lheïe ersooyl myr crammag, as ve goll-rish mess ben ta er jeet roish y traa: as ny lhig daue fakin y ghrian.

Psalmyn 72:17

Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.

Psalmyn 9:20

Cur ad ayns aggle, O Hiarn: dy vod fys ’ve ec ny ashoonyn nagh vel ad hene agh deiney.

Raaghyn Creeney 21:31

Ta’n niagh greihit cour laa yn chaggey: agh ta sauchys veih’n Chiarn.

Isaiah 43:11

Mish, dy jarroo mish, y Chiarn; as cheu-mooie jeem’s cha vel Saualtagh erbee.

Jeremiah 3:23

Dy firrinagh ayns fardail ta shin jeeaghyn son saualtys veih ny croink, as son kemmyrk veih niart ny sleityn; dy firrinagh ayns y Chiarn nyn Yee ta saualtys Israel.

Hosea 13:4

Foast ta mish y Chiarn dty Yee veih thalloo Egypt, as cha bee enney ayd er Jee erbee agh orrym’s, agh cha vel saualtagh erbee agh mish.

Jonah 2:9

Agh cheb-yms oural dhyt lesh y choraa dy hoyrt-booise, eeck-ym shen ny ta mee er vreearrey: ta saualtys veih’n Chiarn.

Earrooyn 10:35

As haink eh gy-kione tra scugh yn arg er y hoshiaght, dy dooyrt Moses, Irree seose, Hiarn, as lhig da dty noidyn ve er nyn skeayley; as lhig dauesyn ta dwoaie oc ort, chea kiongoyrt rhyt.

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee-chraueeaght.

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

Hebrewnee 6:14

Gra, Dy firrinagh, lesh bannaght, nee’m uss y vannaghey, as lesh bishagh, nee’m uss y vishaghey.

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er nyn eam, dy vod shiu bannaght y gheddyn myr eiraght.

Ashlish 19:1

Lurg ny reddyn shoh cheayll mee sheean mooar myr jeh mooarane pobble ayns niau, gra, Alleluia: Saualtys, as gloyr, as ooashley, as pooar dy row gys y Chiarn y Jee ain:

Ashlish 7:10

As hrog ad seose nyn goraa dy ard, gra, Saualtys gys y Jee ain, ta ny hoie er y stoyl-reeoil, as gys yn Eayn.