Psalmyn 3:7 - Yn Vible Casherick 1775 1819

⁷ Seose, Hiarn, as cooin lhiam, O my Yee: son t’ou bwoalley ooilley my noidyn er craue ny keeill; t’ou er vrishey feeacklyn ny mee-chrauee.

Lioar ny Psalmyn 1765 (Pointed)

⁷ Seose, Hiarn, as cooin lhiam, O my Yee: son t’ow bwoalley ooilley my noidyn er craue-ny-keeill; t’ow er vrishey feeacklyn ny mee-chrauee.

Psalmyn 3:7 ပူးပေါင်းရင်းမြစ်များ

2 Samuel 18:8

Son ren y caggey skeayley harrish eaghtyr ooilley’n cheer: as ren y cheyll stroie ny smoo jeh’n pobble er y laa shen na ren y cliwe.

Lioar Yob 16:10

T’ad er vlakey orrym lesh nyn meeal: t’ad er my woalley er y lieckan dy naareydagh; t’ad er haglym ad-hene cooidjagh m’oï.

Lioar Yob 29:17

As vrish mee cab y vee-chrauee, as phluck mee yn spooilley ass e eeacklyn.

Psalmyn 10:12

T’eh er ghra ayns e chree, Cha vel aggle orrym, ta Jee er yarrood: t’eh follaghey e eddin, as cha der eh dy bragh geill da.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 27:3

Ga dy beagh sheshaght-caggee dy gheiney soit m’oï, foast cha bee my chree agglagh: as ga dy jinnagh caggey girree seose m’oï, foast ver-ym my varrant ersyn.

Psalmyn 35:23

Dooisht, as shass seose dy vriwnys my phlaiynt: jean cairys ayns my chooish, my Yee, as my Hiarn.

Psalmyn 44:23

Seose, Hiarn, cre’n-fa t’ou cadley: dooisht, as ny fuirree voïn er son dy bragh.

Psalmyn 58:6

Brish ny feeacklyn oc, O Yee, ayns nyn meeal; bwoaill craueyn-keeill ny lionyn, O Hiarn: lhig daue tuittym ersooyl myr ushtey ta roie dy tappee; as tra t’ad lhiggey nyn sideyn, lhig daue ve astyrit ass ny fraueyn.

Psalmyn 59:5

Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Psalmyn 6:4

Chyndaa uss, O Hiarn, as livrey m’annym: O saue mee er graih dty vyghinyn.

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 74:11

O Yee, caïd nee eshyn ta dt’oï yn vee-onnor shoh y yannoo: caïd nee yn noid loayrt dy mollaghtagh noi dt’Ennym, nee son dy bragh?

Psalmyn 76:9

Tra dirree Jee gys briwnys: as dy chooney lesh ooilley yn vooinjer imlee er y thalloo.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Dobberan 3:30

T’eh cur e lieckan dasyn ta bwoalley eh, t’eh laadit lesh oltooan.

Habakkuk 2:19

Smerg dasyn, ta gra rish y fuygh, Dooisht oo; rish y chlagh yalloo, Trog ort, nee eh m’y ynsaghey! cur-my-ner t’eh coodit harrish lesh airh as argid, agh cha vel yn ennal edyr cheu-sthie jeh.