Psalmyn 3:3 - Yn Vible Casherick 1775 1819

³ Agh uss, O Hiarn, m’endeilagh: uss my ooashley, as y fer ta cummal seose my chione.

Lioar ny Psalmyn 1765 (Pointed)

³ Agh uss, O Hiarn, m’endeilagh: uss my ooashley, as y fer ta cummal seose my chione.

Psalmyn 3:3 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Genesis 40:13

Foast cheu-sthie jeh three laa, nee Pharaoh troggal seose dty chione, as goaill oo stiagh reesht gys dty oik; as ver oo cappan Pharaoh ayns e laue, myr bollagh oo, tra v’ou yn butler echey.

2 Reeaghyn 18:30

Chamoo lhig da Hezekiah coyrt erriu treishteil ayns y Chiarn gra, Nee yn Chiarn son shickyrys shinyn y livrey, as cha bee yn ard-valley shoh er ny livrey gys laue ree Assyria.

2 Reeaghyn 18:32

Derrey hig-yms as shiuish y ghoaill ersooyl gys cheer goll-rish y cheer eu hene, cheer dy arroo as dy feeyn, cheer dy arran as dy gharaghyn-feeyney, cheer dy ooil-olive as dy vill, dy vod shiu ve bio as gyn baase y gheddyn: as ny cur-jee geill da Hezekiah, tra t’eh cur erriu credjal, gra, Nee’n Chiarn shin y livrey.

2 Reeaghyn 25:27

Haink eh gy-kione ayns y chiaghtoo vleïn jeig as feed jeh cappeeys Jehoiachin ree Yudah, ayns y nah vee yeig, er y chiaghtoo laa as feed jeh’n vee, dy ren Evil-merodach, ree Vabylon, ayns y chied vleïn jeh e reill, kione Jehoiachin ree Yudah y hroggal seose ass pryssoon;

Psalmyn 110:7

Iu-ee eh jeh’n strooan er y raad: shen-y-fa troggee eh seose e chione.

Psalmyn 119:114

T’ou uss my endeilagh as my choadey: as ta my hreishteil ayns dty ghoo.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 27:6

As nish troggee eh seose my chione: erskyn my noidyn mygeayrt-y-moom.

Psalmyn 28:7

Moylley dy row da’n Chiarn: son t’eh er chlashtyn coraa my aghinyn imlee.

Psalmyn 4:3

Toig-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

Psalmyn 62:7

Ayns Jee ta my lhaynt as my ghloyr: creg my niart, as ayns Jee ta my hreishteil.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Isaiah 45:25

Ayns y Chiarn bee ooilley sluight Israel er ny heyrey, as nee ad boggyssagh.

Isaiah 60:19

Cha bee yn ghrian ny smoo dty hoilshey ’sy laa, chamoo son ray-sollys bee yn eayst ayd son soilshey dhyt: agh bee yn Chiarn dhyt soilshey dy bragh farraghtyn, as bee dty Yee dty ghloyr;

Noo Luke 2:32

Soilshey dy hoilshean er ny Ashoonee, as gloyr dty phobble Israel.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

Ashlish 21:11

Lesh gloyr Yee aynjee: as va’n soilshey eck myr sollyssid yn jewel smoo costal, eer myr clagh jasper, sollys myr crystal;

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.