Psalmyn 29:3 - Yn Vible Casherick 1775 1819

³ She’n Chiarn ta sarey ny ushtaghyn: yn Jee gloyroil ta jannoo yn taarnagh.

Lioar ny Psalmyn 1765 (Pointed)

³ She’n Chiarn ta saarey ny ushtaghyn: yn Jee gloyroil ta jannoo yn taarnagh.

Psalmyn 29:3 ပူးပေါင်းရင်းမြစ်များ

Lioar Yob 36:33

Ta’n feiyr echey fockley magh cre voish te, ta’n maase myrgeddin gennaghtyn y vree.

Lioar Yob 40:9

Vel roih ayd’s myr t’ec Jee? er-nonney vod oo taarnaghey lesh dty choraa goll-rishyn?

Psalmyn 104:3

Ta soiaghey beamyn e hiamyryn ayns ny ushtaghyn: as jannoo ny bodjallyn e ainagh, as goll er skianyn ny geayee.

Exodus 19:16

As haink eh gy-kione, er moghrey yn trass laa, dy row taarneeyn as tendreilyn, as bodjal dorraghey er y chronk, as feiyr y trumpet yindyssagh ard, myr shen dy row ooilley’n pobble v’ayns y champ er-creau.

Exodus 9:28

Guee-jee gys y Chiarn, (son s’lioar eh,) nagh bee arragh dy haarneeyn agglagh, as sniaghtey-garroo ayn; as neem’s y raad y lhiggey diu, as cha n’uirree shiu ny sodjey.

Exodus 9:33

As hie Moses magh ass yn ard-valley veih Pharaoh, as hrog eh seose e laueyn gys y Chiarn; as ghow ny taarneeyn as y sniaghtey-garroo fea, as cha row’n fliaghey er ny gheayrtey neose er y thalloo.

Noo Ean 12:29

Dooyrt y pobble er-y-fa shen va kionfenish, as cheayll yn coraa, dy nee taarnagh v’ayn: dooyrt feallagh elley, dy nee ainle ren loayrt rish.

Jannoo 7:2

As dooyrt eshyn, Gheiney, vraaraghyn, as ayraghyn, eaisht-jee, Ren Jee ny ghloyr eh-hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa-hallooin, as claghyn mooarey sniaghtee.

Ashlish 16:18

As va coraaghyn, as taarnaghyn, as tendreilyn; as va craa mooar thallooin, lheid as nagh row rieau neayr’s va sheelnaue er ny chroo, lheid y chraa-thallooin mooar as atchimagh.

Ashlish 19:6

As cheayll mee myr dy beagh eh sheean earroo mooar dy leih, as myr sheean ymmodee ushtaghyn, as myr feiyr taarnaghyn mooarey, gra, Alleluia; son ta’n Chiarn Jee ooilley-niartal reill.

Ashlish 4:5

As magh ass y stoyl-reeoil haink tendreilyn, as taarnaghyn, as coraaghyn. As va shiaght lampyn dy aile, lossey kiongoyrt rish y stoyl-reeoil, shen ta shiaght spyrrydyn Yee.

Ashlish 8:5

As ghow yn ainle y censer, as lhieen eh eh lesh aile veih’n altar, as hilg eh eh er y thalloo: as va coraaghyn [agglagh,] as taarnaghyn, as tendreilyn, as craa-hallooin.

1 Samuel 7:10

As myr va Samuel chebbal seose yn oural-losht, hayrn ny Philistinee er-gerrey gys caggey noi Israel: agh ren y Chiarn taarnaghey lesh tendreil atchimagh er ny Philistinee er y laa shen, as skeayl eh ad; as v’ad er nyn mwoalley roish Israel.