Psalmyn 28:5 - Yn Vible Casherick 1775 1819

⁵ Cooilleen ad cordail rish obbyr nyn laueyn: eeck daue shen ny t’ad er hoilchin.

Lioar ny Psalmyn 1765 (Pointed)

⁵ Cooilleen ad cordail rish obbyr nyn laueyn: eeck daue shen ny t’ad er hoilchin.

Psalmyn 28:5 ပူးပေါင်းရင်းမြစ်များ

2 Samuel 7:13

Nee eshyn thie y hroggal son my ennym, as neem’s soiaghey seose stoyl-reeoil e reeriaght dy ve foddey beayn.

2 Samuel 7:27

Son t’ou uss, O Hiarn dy heshaghtyn niau, Yee Israel, er hoilshaghey da dty harvaant, gra, Neem’s dty hie y hroggal: shen-y-fa ta dty harvaant er ghoaill cree dy hebbal yn phadjer shoh hood.

1 Reeaghyn 11:38

As hig eh gy-kione, my nee oo geaishtagh rish ooilley ny ta mee dy harey dhyt, as my nee oo shooyl ayns my raaidyn, as jannoo shen ny ta cairagh ayns my hilley, dy reayll my lattyssyn as my annaghyn, myr ren David my harvaant; dy beem’s mayrt, as trog-ym dhyt thie shickyr, myr hrog mee da David, as ver-ym Israel dhyt.

Psalmyn 10:5

Ta ny raaidyn echey kinjagh seaghnagh: ta dty vriwnyssyn foddey erskyn roshtyn e hilley, as er-yn-oyr shen t’eh cur y-lane fo ooilley e noidyn.

Psalmyn 104:24

O Hiarn, cre cha ymmodee ta dt’obbraghyn: ayns creenaght t’ou er n’yannoo ad ooilley, ta’n seihll lane jeh dty verchys!

Psalmyn 8:3

Son goym tastey jeh dty niaughyn, eer obbraghyn dty veïr: yn eayst as ny rollageyn t’ou er n’oardaghey.

Isaiah 22:11

Ren shiu myrgeddin jeeig eddyr yn daa voalley ry-hoi ushtey yn chenn loghan: agh cha vel shiu er yeeaghyn huggeysyn t’er hroggal eh, chamoo va geill eu dasyn ren eh y chummey foddey er-dy-henney.

Isaiah 40:26

Trog-jee seose nyn sooillyn dy ard, as cur-jee my-ner quoi t’er chroo ny reddyn t’ayns shen, ta cur magh yn cheshaght oc rere nyn earroo: t’eh geamagh orroo ooilley lurg ny enmyn oc, lesh mooadys e niart; son t’eh niartal ayns pooar; cha vel unnane failleil.

Isaiah 45:12

Ta mee er n’yannoo yn thalloo, as er chroo dooinney er: she mish, eer my laueyn hene, t’er heeyney magh ny niaughyn, as ooilley yn cheshaght-chaggee oc ta mee er oardrail.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 45:8

Jean-jee shilley, shiuish niaughyn, veih’n yrjid, as lhig da’n aer ynrickys y gheayrtey neose: lhig da’n ooir fosley, as lhig daue saualtys y ymmyrkey magh, as lhig da ynrickys gaase seose cooidjagh. She mish y Chiarn t’er chroo eh.

Isaiah 5:12

As ta’n chlaasagh as y viol, yn tabret as y feddan, as feeyn, ayns nyn guirraghyn agh cha vel geill oc da jannoo yn Chiarn, chamoo t’ad smooinaghtyn er obbyr e laueyn.

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Hosea 14:9

Quoi ta creeney, as nee eh toiggal ny reddyn shoh? toiggalagh, as yiow eh fys orroo? son ta raaidyn y Chiarn jeeragh, as nee’n vooinjer ynrick gimmeeaght ayndoo: agh nee ny mee-viallee cherraghtyn lioroo.

Earrooyn 23:23

Son shickyrys cha vel obbeeys erbee noi Jacob, chamoo ta faishnys erbee noi Israel: ayns yn imbagh cooie, vees er ny hoilshaghey mychione Jacob as Israel, Cre ta Jee er n’yannoo!

Noo Ean 12:37

Agh ga dy ren eh whilleen mirril kiongoyrt roo, foast cha chred ad ayn:

Romanee 1:20

Son shen jehsyn nagh vel ry-akin, ta shen, e phooar dy bragh beayn as e ghooghys flaunyssagh, veih croo’n theihll, t’ad dy baghtal cronnit, er ny hoiggal liorish ny reddyn ta jeant; myr shen dy vel ad gyn leshtal:

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal: