Psalmyn 27:9 - Yn Vible Casherick 1775 1819

⁹ Ta my chree er yannoo imraa jeed’s; Shir-jee my eddin: Dt’eddin, Hiarn, neem’s y hirrey.

Lioar ny Psalmyn 1765 (Pointed)

⁹ Ta my chree er yannoo imraa jeed’s; Shirr-jee my eddin: Dt’eddin, Hiarn, nee’ms y hirrey.

Psalmyn 27:9 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 102:2

Ny follee dt’eddin voym ayns earish my heaghyn: croym dty chleayshyn hym tra ta mee geamagh; O eaisht rhym, as shen dy feer leah.

Psalmyn 102:3

Son ta my laghyn er lheïe ersooyl myr jaagh: as ta my chraueyn chyrmit seose myr smarage aile.

Psalmyn 119:121

Ta mee dellal ayns y chooish ta lowal as jeeragh: O ny faag mee fo pooar my hranlaasee.

Psalmyn 13:1

Caïd nee oo my yarrood, O Hiarn, nee son dy bragh? caïd nee oo follaghey dt’eddin voym?

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 24:5

Yiow eshyn yn bannaght veih’n Chiarn: as cairys veih Jee e haualtys.

Psalmyn 44:24

Cre’n-oyr t’ou follaghey dt’eddin: as jarrood nyn dreihys as seaghyn?

Psalmyn 51:11

Ny tilg mee ersooyl veih dt’enish: as ny gow dty Spyrryd Casherick voym.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hym’s cordail rish earroo dty vyghinyn,

Psalmyn 69:18

As ny follee dt’eddin veih dty harvaant, son ta mee ayns seaghyn: O jean siyr, as eaisht rhym.

Psalmyn 88:1

O Hiarn Yee dy my haualtys, ta mee er n’eamagh laa as oie kiongoyrt rhyt’s: O lhig da my phadjer cheet stiagh ayns yn enish ayd’s, croym dty chleaysh gys m’eam;

Isaiah 50:1

Myr shoh ta’n Chiarn dy ghra, Cre vel screeuyn-scarree nyn moir, r’ee ta mee er scarrey? ny rish quoi jeh my yiatteryn ta mee er chreck shiu? Cur-my-ner, she son nyn mee-chraueeaght ta shiu er chreck shiu hene, as son y drogh-yannoo euish ta mee er scarrey rish nyn moir.

Isaiah 59:2

Agh ta nyn mee-chairys er scarrey eddyr shiuish as y Jee eu, as ta nyn beccaghyn er n’ollaghey e eddin veueish, nagh der eh clashtyn.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.