Psalmyn 27:6 - Yn Vible Casherick 1775 1819

⁶ As nish troggee eh seose my chione: erskyn my noidyn mygeayrt-y-moom.

Lioar ny Psalmyn 1765 (Pointed)

⁶ As nish troggee eh seose my chione: er-skyn my noidyn mygeayrt-y-moom.

Psalmyn 27:6 ပူးပေါင်းရင်းမြစ်များ

Genesis 40:13

Foast cheu-sthie jeh three laa, nee Pharaoh troggal seose dty chione, as goaill oo stiagh reesht gys dty oik; as ver oo cappan Pharaoh ayns e laue, myr bollagh oo, tra v’ou yn butler echey.

Genesis 40:20

As haink eh gy-kione er yn trass laa, va corrym gys y laa ruggyr Pharaoh, dy ren eh cuirraghyn da ooilley e ard-gheiney, as ren eh soiaghey seose yn ard-vutler, as yn ard-stiurt mastey ny fir-oik.

2 Samuel 22:1

As ghow David gys y Chiarn goan yn arrane-moyllee shoh, er y laa va’n Chiarn er livrey eh ass laue ooilley e noidyn, as veih laue Saul.

2 Samuel 22:49

As ta livrey mee veih my noidyn: t’ou myrgeddin er my hroggal seose dy ard er-nyn-skyn dirree seose m’oï: t’ou er my livrey veih’n dooinney tranlaasagh.

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

2 Reeaghyn 25:27

Haink eh gy-kione ayns y chiaghtoo vleïn jeig as feed jeh cappeeys Jehoiachin ree Yudah, ayns y nah vee yeig, er y chiaghtoo laa as feed jeh’n vee, dy ren Evil-merodach, ree Vabylon, ayns y chied vleïn jeh e reill, kione Jehoiachin ree Yudah y hroggal seose ass pryssoon;

1 Recortyssyn 22:18

Nagh vel y Chiarn nyn Yee mêriu? as nagh vel eh er choyrt fea diu er dy chooilley heu? son t’eh er livrey cummaltee’n cheer gys my laue; as ta’n cheer er ny injillaghey kiongoyrt rish y Chiarn, as kiongoyrt rish e phobble.

Psalmyn 107:22

Dy jebbagh ad da oural dy hoyrt-booise: as ny obbraghyn echey y ockley magh lesh gennallys.

Psalmyn 110:7

Iu-ee eh jeh’n strooan er y raad: shen-y-fa troggee eh seose e chione.

Psalmyn 119:108

Lhig da ourallyn-arryltagh my veeal uss y wooiys, O Hiarn: as ynsee dou dty vriwnyssyn.

Psalmyn 138:5

Dy jarroo, gowee ad arraneyn ayns raaidyn y Chiarn: Dy vel gloyr y Chiarn mooar.

Psalmyn 21:1

Nee’n Ree boggey ’ghoaill ayns dty niart, O Hiarn: feer yennal vees eh jeh dty haualtys.

Psalmyn 21:13

Bee uss, Hiarn, er dty hoiaghey seose ayns dty niart hene: myr shen nee mayd goaill arrane, as moylley ’choyrt da dty phooar.

Psalmyn 3:3

Agh uss, O Hiarn, m’endeilagh: uss my ooashley, as y fer ta cummal seose my chione.

Psalmyn 3:4

Deïe mee er y Chiarn lesh my choraa: as cheayll eh mee ass e chronk casherick.

Psalmyn 47:1

O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

Psalmyn 57:8

Ta my chree soit er, O Yee, ta my chree soit er: goym arrane, as ver-ym moylley.

Psalmyn 81:1

Lhig dooin arrane gennal y ghoaill gys Jee nyn niart: jean-jee kiaull gherjoil y yannoo gys Jee Yacob.

Psalmyn 95:1

O tar-jee, lhig dooin arrane y ghoaill gys y Chiarn: lhig dooin dy creeoil boggey ’ghoaill ayns niart nyn saualtys.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Jeremiah 31:7

Son myr shoh ta’n Chiarn dy ghra, Gow-jee arrane lesh gennallys son Jacob, as trog-jee seose nyn goraa mastey ny ard-ashoonyn: insh-jee magh eh, cur-jee moylley, as abbyr-jee, O Hiarn, saue dty phobble, ta er-mayrn jeh Israel.

Jeremiah 33:11

Vees er ny chlashtyn yn coraa dy voggey, as yn coraa dy yennallys; coraa yn dooinney-poosee, as coraa ben y phoosee, yn coraa ocsyn nee gra, Moylley-jee Chiarn ny flaunyssee; son s’mie ta’n Chiarn; son ta e vyghin farraghtyn dy bragh; as yn coraa ocsyn ver lhieu yn oural dy voylley gys thie yn Chiarn. Son ver-yms chyndaa da cappeeys y cheer, myr ec y toshiaght, ta’n Chiarn dy ghra.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;