Psalmyn 27:5 - Yn Vible Casherick 1775 1819

⁵ Son ayns traa my heaghyn follee eh mee ayns e chabbane: dy jarroo ayns boayl keillit e ynnyd-vaghee nee eh m’y ollaghey, as m’y hoiaghey seose er creg chloaie.

Lioar ny Psalmyn 1765 (Pointed)

⁵ Son ayns traa my heaghyn follee eh mee ayns e chabbane: dy-jarroo ayns boayl kellit e ynnyd-vaghee nee eh m'y ollaghey, as m'y hoiaghey seose er creg chloie.

Psalmyn 27:5 ပူးပေါင်းရင်းမြစ်များ

2 Recortyssyn 22:12

As v’eh oc follit ayns thie Yee son shey bleeaney, as ren Athaliah reill harrish y cheer.

Psalmyn 10:1

Cre hon t’ou shassoo choud jeh, O Hiarn: as follaghey dt’eddin ayns y traa femoil dy heaghyn?

Psalmyn 119:114

T’ou uss my endeilagh as my choadey: as ta my hreishteil ayns dty ghoo.

Psalmyn 138:7

Ga dy vel mee shooyl ayns mean seaghyn, ny-yeih nee oo m’y ooraghey: sheeynee oo magh dty laue er eulys my noidyn, as nee dty laue yesh mish y hauail.

Psalmyn 17:8

Jean m’y reayll myr clagh ny sooilley: follee mee fo scaa dty skianyn.

Psalmyn 18:33

T’eh jannoo my chassyn myr cassyn feeaïh: as soiaghey mee seose dy ard.

Psalmyn 31:20

Lhig da ny meillyn breagagh ve er nyn goyrt nyn dhost: ta dy dewil, dy mooaralagh, as dy olkyssagh loayrt noi’n vooinjer chairagh.

Psalmyn 31:21

O cre cha palchey ta dty vieys, t’ou er chiarail nyn gour ocsyn ta goaill aggle royd: as shen t’ou er n’yannoo aarloo dauesyn ta coyrt nyn dreishteil aynyd, dy jarroo kiongoyrt rish mec gheiney!

Psalmyn 40:2

Hug eh lesh mee neesht magh ass y lhag atchimagh, magh ass y laagh as y chray: as hoie eh my chassyn er y chreg, as ren eh my immeeaght y oardrail.

Psalmyn 40:3

As t’eh er choyrt arrane noa ayns my veeal: dy jarroo, toyrt-booise gys y Jee ain.

Psalmyn 46:1

She Jee nyn dreishteil as niart: cooney feer faggys ayns seaghyn.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 57:1

Bee myghinagh dooys, O Yee, bee myghinagh dou, son ta m’annym treishteil aynyd: as fo scaa dty skianyn vees my chemmyrk derrey vees y tranlaase shoh er n’gholl shagh-ym.

Psalmyn 61:2

Veih king y theihll nee’m geamagh ort: tra ta my chree ayns trimshey.

Psalmyn 61:3

O soie mee seose er y chreg ta ny syrjey na mee: son t’ou er ve my hreishteil, as toor lajer dooys noi yn noid.

Psalmyn 77:2

Ayns traa my heaghyn hir mee yn Chiarn: ren my hing roie, as cha ghow eh fea fud-ny-hoie; ren m’annym gerjagh y obbal.

Psalmyn 83:3

T’ad er ghoaill smooinaghtyn croutagh noi dty phobble: as er chur nyn goyrle dy cheilley noi dty chloan chasherick.

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Raaghyn Creeney 18:10

Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Isaiah 26:20

Tar, my phobble, immee stiagh ayns dty hiamyryn, as jeigh mood dty ghorryssyn: follee oo hene myr dy beagh eh son shallid yiare, derrey vees yn jymmoose er n’gholl shaghey.

Isaiah 32:2

As bee yn dooinney shen myr scaa veih’n gheay, as fastee veih’n dorrin; myr awin ushtey ayns thalloo chirrym; myr scadoo creg vooar ayns cheer sponkit.

Noo Mian 23:37

O Yerusalem, Yerusalem, uss ta cur dy baase ny phadeyryn, as claghey adsyn t’er nyn goyrt er chaghteraght hood, cre cha mennick as va mish aggindagh v’er haglym dty chloan cooidjagh, myr ta kiark goaill stiagh e heïn, fo my skianyn, as cha jinnagh shiu!

Colossianee 3:3

Son ta shiu marroo, as ta’n vea eu follit marish Creest ayns Jee.