Psalmyn 27:1 - Yn Vible Casherick 1775 1819

¹ Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Lioar ny Psalmyn 1765 (Pointed)

¹ Yn Chiarn my hoilshey as my haualtys; quoi roish eisht ghoym aggle: yn Chiarn niart my vea; quoi roish eisht vee’m agglagh?

Psalmyn 27:1 ပူးပေါင်းရင်းမြစ်များ

Lioar Yob 29:3

Tra ren e chainle soilshean er my chione, as tra liorish e hoilshey ren mee gimmeeaght trooid dorraghys;

Psalmyn 11:1

Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?

Psalmyn 118:21

Ver-yms booise dhyt, son t’ou er my chlashtyn: as er jeet dy ve my haualtys.

Psalmyn 118:6

Ta’n Chiarn er my lieh’s: cha bee aggle orrym jeh ny oddys dooinney y yannoo rhym.

Psalmyn 18:28

Nee oo myrgeddin my chainle y oaddey: ver y Chiarn my Yee er my ghorraghys dy ve soilshey.

Psalmyn 18:29

Son liort’s ver-ym fo-chosh sheshaght-caggee dy gheiney: as lesh cooney my Yee lheim-ym harrish y voalley.

Psalmyn 18:46

Nee’n chloan yoarree failleil: as bee ad agglagh ayns ny ynnydyn follit oc.

Psalmyn 19:14

Lhig da goan my veeal, as smooinaghtyn my chree: ve dy kinjagh booisal ayns dty hilley,

Psalmyn 3:8

Ta Saualtys bentyn gys y Chiarn: as ta dty vannaght er dty phobble.

Psalmyn 43:2

Son uss Jee my niart, cre’n-fa t’ou er my scughey voïd: as cre hon ta mee goll cha trimshagh choud as ta’n noid jannoo tranlaase orrym?

Psalmyn 62:2

Eshyn dy feer my niart as my haualtys: eshyn my endeil, myr shen nagh bee my lhieggey mooar.

Psalmyn 62:6

Eshyn dy firrinagh my niart as my haualtys: eshyn my endeilagh, myr shen nagh duittym.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Isaiah 2:5

O hie Yacob, tar-jee as lhig dooin gimmeeaght ayns soilshey yn Chiarn.

Isaiah 45:24

Dy firrinagh nee fer gra, Ayns y Chiarn ta aym ynrickys as niart: eer huggeysyn nee deiney cheet; as bee ooilley ny ta fargagh n’oï er nyn goyrt gys nearey.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Jeremiah 20:11

Agh ta’n Chiarn mârym’s myr fer-caggee niartal as atchimagh; shen-y-fa nee my hranlaasee tuittym, as cha vow ad yn varriaght; bee ad coodit lesh nearey; son cha jig eh lhieu; cha bee yn slane toyrt-mow oc dy bragh er ny yarrood.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Mian 8:26

As dooyrt eh roo, Cre’n-fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo harey, as va kiuney vooar ayn.

Noo Luke 2:30

Son ta my hooillyn er vakin dty haualtys;

Noo Luke 3:6

As hee dy chooilley eill saualtys Yee.

Noo Ean 1:9

Shen va’n soilshey firrinagh, ta soilshean ayns dy chooilley ghooinney ta cheet er y theihll.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooylee eh ayns y dorraghys, agh bee echeysyn soilshey yn vea.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

2 Corinthianee 12:9

As dooyrt eh rhym, Ta’n ghrayse aym’s fondagh er dty hon; son ta’n niart aym’s dy slane er ny hoilshaghey ayns annooinid. Ny s’arryltee er-y-fa shen neem’s boggyssagh ayns my annooinidyn, dy vod pooar Chreest ve breeoil aynym.

Deuteronomy 7:18

Ny bee aggle ort roue: agh cooinee dy mie, cre ren y Chiarn dty Yee rish Pharaoh, as rish ooilley Egypt;

Deuteronomy 7:21

Cha bee aggle ort roue: son ta’n Chiarn dty Yee ny mast’ eu, ny Yee pooaral, as atchimagh.

Philippianee 4:13

Foddym dy chooilley nhee y yannoo trooid Creest ta dy my niartaghey.

Hebrewnee 13:6

Shen-y-fa fod mayd dy creeoil gra, Ta’n Chiarn my er-coonee, as cha bee aggle orrym jeh ny oddys dooinney y yannoo rhym.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 22:5

As cha bee oie edyr ayns shen, as cha vel ad feme cainle, chamoo soilshey’n ghrian; son ta’n Chiarn Jee coyrt soilshey daue: as nee ad reill son dy bragh as dy bragh.

Ashlish 7:10

As hrog ad seose nyn goraa dy ard, gra, Saualtys gys y Jee ain, ta ny hoie er y stoyl-reeoil, as gys yn Eayn.