Psalmyn 26:8 - Yn Vible Casherick 1775 1819

⁸ Hiarn, ta mee er ve graihagh er cooyrtyn dty hie: as ynnyd cabbane-agglish dty ooashley.

Lioar ny Psalmyn 1765 (Pointed)

⁸ Hiarn, ta mee er ve graihagh er coortyn dty hie: as ynnyd cabbane-agglish dty ooashley.

Psalmyn 26:8 ပူးပေါင်းရင်းမြစ်များ

2 Samuel 15:25

As dooyrt David rish Zadok, Cur lhiat back arg Yee stiagh ’syn ard-valley: my yioyms foayr ayns shilley’n Chiarn, ver eh lesh mee reesht, as jeeaghee eh dou chammah shen as e chabbane-agglish.

1 Recortyssyn 29:3

As, er-yn-oyr dy vel mee er hoiaghey my ghraih er thie my Yee, ta aym jeh my chooid hene er-lheh, airh as argid, ta mee er stowal er thie my Yee, harrish as erskyn ooilley ny ta mee er chiarail ro-laue son y thie casherick.

2 Recortyssyn 5:14

Myr shen nagh voddagh ny saggyrtyn shassoo dy hirveish, kyndagh rish y vodjal: son va gloyr y Chiarn er lhieeney thie Yee.

2 Recortyssyn 7:1

Nish erreish da Solomon v’er n’yannoo jerrey er e phadjer, haink aile neose veih niau, as losht eh seose ny chebballyn as ny ourallyn; as ren gloyr y Chiarn yn thie y lhieeney.

2 Recortyssyn 7:2

As cha voddagh ny saggyrtyn goll stiagh ayns thie yn Chiarn, er-yn-oyr, dy row gloyr y Chiarn er lhieeney thie yn Chiarn.

Psalmyn 122:9

Dy jarroo, son graih chiamble y Chiarn nyn Yee: shir-ym dy choyrt dty vie er y hoshiaght.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 84:10

Son ta un laa ayns dty chooyrtyn: ny share na thousane.

Isaiah 38:20

Va’n Chiarn aarloo dy hauail mee: shen-y-fa gowee mayd arraneyn-moyllee er greïnyn-kiaullee strengit, ooilley laghyn nyn mea, ayns thie yn Chiarn.

Isaiah 38:22

As va Hezekiah myrgeddin er ghra, Cre ta’n cowrey dy jem’s seose gys thie yn Chiarn?

Ezekiel 3:12

Eisht hrog yn spyrryd seose mee, as cheayll mee my chooylloo sheean tharmane mooar, gra, Bannit dy row gloyr y Chiarn veih e ynnyd hene.

Noo Luke 2:46

As haink eh gy-kione, lurg three laa dy dooar ad eh ayns y chiamble, ny hoie mastey ny fir-ynsee, chammah geaishtagh roo, as cur feyshtyn orroo.

Noo Luke 2:49

As dooyrt eh roo, Kys dy row shiu briaght er my hon’s? nagh row fys eu dy beign dou ve mysh obbyr my Ayrey?