Psalmyn 25:9 - Yn Vible Casherick 1775 1819

⁹ Ta ooilley raaidyn y Chiarn myghin as firrinys: da lheid as ta freaylley e chonaant as e leighyn.

Psalmyn Ghavid 1761 (Metrical)

⁹ Ta ooilley raaidyn Yee, Ayns firrinys gloyroil; Dauesyn ta freayll e annaghyn, Dy myghinagh foayroil.

Lioar ny Psalmyn 1765 (Pointed)

⁹ Ta ooilley raaidyn y Chiarn myghin as firrinys: da lheid as ta freaylley e chonaant as e leighyn.

Psalmyn 25:9 ပူးပေါင်းရင်းမြစ်များ

Psalmyn 119:35

Cur orrym dy immeeaght ayns cassan dt’annaghyn: son shen y raad ta my yeearree.

Psalmyn 119:66

O ynsee dou toiggal as tushtey firrinagh: son ta mee er chredjal dty annaghyn.

Psalmyn 143:10

Ynsee dou dy yannoo dt’aigney, son she uss my Yee: lhig da dty Spyrryd graihagh mish y leeideil gys y cheer dy chairys.

Psalmyn 147:6

Ta’n Chiarn soiaghey seose yn vooinjer imlee: as coyrt sheese ny mee-chrauee kiart rish y thalloo.

Psalmyn 149:4

Son ta taitnys ec y Chiarn ayns e phobble: as t’eh cooney lhieusyn ta jeh cree imlee.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 23:3

Nee eh m’annym y hyndaa: as my choyrt lesh magh ayns ny cassanyn dy chairys er graih e Ennym.

Psalmyn 27:11

T’ou er ny ve my chemmyrk: ny faag mee, chamoo jean m’y hreigeil, O Yee my haualtys.

Psalmyn 73:24

Quoi t’aym ayns niau agh uss: as cha vel unnane erbee er y thalloo ta mee dy yeearree ayns soylaghey jeed’s.

Psalmyn 76:9

Tra dirree Jee gys briwnys: as dy chooney lesh ooilley yn vooinjer imlee er y thalloo.

Raaghyn Creeney 8:20

Mish y leeideilagh ayns raad yn ynrickys, ayns ny cassanyn jeeragh dy vriwnys.

Isaiah 11:4

Agh lesh cairys nee eh briwnys yn hoght, as ver eh oghsan lesh corrymid son imlee yn theihll: as bwoaillee eh yn thalloo lesh slatt e veeal, as lesh ennal e veillyn stroie-ee eh ny mee-chrauee.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Ezekiel 36:27

As ver-yms yn spyrryd aym’s er cheu-sthie j’iu, as ver-ym erriu shooyl ayns my lattyssyn, as nee shiu freayll my vriwnyssyn, as jannoo ad.

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Noo Mian 5:5

Bannit t’adsyn ta meen-surransagh: son bee yn thalloo oc ayns eiraght.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh liorym’s.

Jannoo 13:10

As dooyrt eh, O uss ta lane jeh dy chooilley chialgeyrys as dy olkys, vac Noid-ny-hanmey, noid dy chooilley chairys, nagh n’aag oo jeh dy chassey raaidyn jeeragh y Chiarn?

Jannoo 9:2

As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Galatianee 5:23

Meenid, sheeltys: noi nyn lheid cha vel leigh erbee.

Hebrewnee 10:20

Liorish raad noa as bio, t’eh er chasherickey er nyn son trooid y coodaghey, ta shen dy ghra, yn eill echey hene:

Jamys 1:21

Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

1 Peddyr 3:15

Agh jean-jee yn Chiarn Jee y chasherickey ayns nyn greeaghyn: as bee-jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.