Psalmyn 25:4 - Yn Vible Casherick 1775 1819

⁴ Leeid mish ayns dt’irriney, as ynsee mee: son uss Jee my haualtys; aynyd va my hreishteil fey-ny-laa.

Lioar ny Psalmyn 1765 (Pointed)

⁴ Leeid mish ayns dt’irriney, as ynsee mee: son uss Jee my haualtys; ayn-yd va my hreishteil fey-ny-laa.

Psalmyn 25:4 ပူးပေါင်းရင်းမြစ်များ

1 Reeaghyn 8:36

Eisht jean uss clashtyn ayns niau, as leih peccah dty harvaantyn, as dty phobble Israel, as ynsee daue yn raad mie ayn lhisagh ad gimmeeaght, as cur fliaghey er dty halloo t’ou er choyrt da dty phobble son eiraght.

Psalmyn 119:27

Cur orrym toiggal raad dt’annaghyn: as myr shen nee’m taggloo jeh dt’obbraghyn yindyssagh.

Psalmyn 143:8

O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Psalmyn 27:11

T’ou er ny ve my chemmyrk: ny faag mee, chamoo jean m’y hreigeil, O Yee my haualtys.

Psalmyn 5:1

Cur geill da my ghoan, O Hiarn: gow tastey jeh smooinaghtyn dowin my chree.

Psalmyn 5:8

Leeid mee, O Hiarn, ayns dty chairys, kyndagh rish my noidyn: jean dty raad rea roish m’eddin.

Psalmyn 86:11

Ynsee dooys dty raad, O Hiarn, as nee’m gimmeeaght ayns dt’irriney: O jean my chree y sniemmey hood, dy voddym aggle y ghoaill roish dt’Ennym.

Exodus 33:13

Shen-y-fa nish, ta mee guee ort, my ta mee er gheddyn foayr ayns dty hilley, soilshee dou nish dty raad, dy vod toiggal ’ve aym jeed, dy voddym foayr y gheddyn ayns dty hilley; as cooinee dy vel yn ashoon shoh dty phobble hene.

Raaghyn Creeney 8:20

Mish y leeideilagh ayns raad yn ynrickys, ayns ny cassanyn jeeragh dy vriwnys.

Isaiah 2:3

As hed ymmodee pobble, as jir ad, Tar-jee, as lhig dooin goll seose gys slieau yn Chiarn, gys thie Yee Yacob; as ynsee eh dooin eh raaidyn, as nee mayd shooyl ayns e chassanyn: son magh ass Zion hig y leigh, as goo yn Chiarn veih Jerusalem.

Jeremiah 6:16

Myr shoh ta’n Chiarn dy ghra, shass-jee ayns ny raaidyn as shir-jee, as brie-jee son ny shenn cassanyn, eer yn raad mie shen, as eiyr-jee er, as yiow shiu fea gys nyn anmeenyn. Agh dooyrt ad, Cha jean mayd gimmeeaght ayndoo.