Psalmyn 25:2 - Yn Vible Casherick 1775 1819

² Son cha bee veg jeusyn ooilley ny ta treishteil aynyd’s er nyn naaraghey: agh bee nyn lheid as ta girree-magh gyn oyr er nyn goyrt bun-ry-skyn.

Lioar ny Psalmyn 1765 (Pointed)

² Son cha bee veg jeusyn ooilley ta treishteil ayn-yds er nyn naaraghey: agh bee nyn lheid as ta girree-magh gyn oyr er nyn ghoyrt bun-ry-skyn.

Psalmyn 25:2 ပူးပေါင်းရင်းမြစ်များ

2 Recortyssyn 13:18

Myr shoh va cloan Israel er nyn goyrt fo-chosh ec y traa shen, as hooar cloan Yudah laue yn eaghtyr, er-y-fa dy dug ad nyn marrant er y Chiarn Jee nyn ayraghyn.

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 142:6

Deïe mee hood’s, O Hiarn, as dooyrt mee: Uss my hreishteil as my eiraght ayns cheer y sleih bio.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 22:1

My Yee, my Yee, jeeagh orrym; cre’n-fa t’ou er my hreigeil: as t’ou choud veih my lhaynt, as veih goan my accan?

Psalmyn 22:5

Deïe ad ort’s, as hooar ad cooney: hug ad nyn marrant ort, as cha row ad er nyn goyrt mow.

Psalmyn 22:8

Hreisht eh ayns Jee, dy jinnagh eh eshyn y livrey: lhig da eh y livrey, my ta taitnys echey ayn.

Psalmyn 31:1

Aynyd’s, O Hiarn, ta mee er choyrt my hreishteil: ny lhig dou dy bragh v’er my choyrt gys nearey; livrey mee ayns dty chairys.

Psalmyn 31:15

Ta mee er chlashtyn jeh cooyl-chassid y sleih: as ta aggle er dy chooilley heu, choud as t’ad cur nyn ghing cooidjagh, as goaill coyrle dy ghoaill ersooyl my vioys.

Psalmyn 31:2

Croym sheese dty chleaysh hym: jean siyr dy my livrey.

Psalmyn 34:8

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Psalmyn 37:40

Agh ta saualtys y sleih cairagh cheet veih’n Chiarn: ta myrgeddin yn niart oc ayns y traa dy heaghyn.

Psalmyn 41:11

Liorish shoh ta fys aym dy vel oo foayroil dou: nagh vel my noid geddyn barriaght m’oï.

Psalmyn 56:1

Bee myghinagh dooys, O Yee, son ta dooinney shirrey dy my stroie: t’eh gagh laa caggey as dy my heaghney.

Psalmyn 7:1

O Hiarn my Yee, aynyd’s ta mee er choyrt my hreishteil: saue mee vouesyn ooilley ta jannoo tranlaase orrym, as livrey mee;

Psalmyn 71:1

Aynyd’s, O Hiarn, ta mee er choyrt my hreishteil; ny lhig dou dy bragh v’er my choyrt gys nearey: agh feayshil orrym, as livrey mee ayns dty chairys; croym dty chleaysh hym, as saue mee.

Psalmyn 91:2

Jir-ym rish y Chiarn, Uss my hreishteil, as my hoor lajer: my Yee, ersyn ver-ym my varrant;

Psalmyn 94:3

Hiarn, caïd nee ny mee-chrauee: caïd nee yn vooinjer vee-chrauee boggyssagh?

Isaiah 26:3

Nee oo freayll eshyn ayns shee kinjagh, ta e aigney soit ort; er-yn-oyr dy vel e varrant ort.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Isaiah 37:10

Myr shoh loayrys shiu rish Hezekiah ree Yudah, gra, Ny lhig da’n Jee ayd’s, ayn t’ou treishteil, oo y volley, gra, Cha bee Jerusalem er ny livrey gys laue ree Assyria.

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Isaiah 37:35

Son neem’s fendeil yn ard-valley shoh dy hauail eh, er my ghraih hene, as er graih my harvaant David.

Isaiah 41:16

Fasnee oo ad, as hed ad lesh y gheay, as nee geay-chassee ad y scaalheaney: as gowee oo boggey ayns y Chiarn, as nee oo boggyssagh ayns Jee casherick Israel.

Isaiah 49:23

As bee ayd reeaghyn son dty ayraghyn boandyrys, as ny mraane-reïn son dty voiraghyn boandyr: nee ad croymmey sheese hood’s lesh nyn eddin gys y thalloo, as nee ad joan dty chassyn y liee; as bee fys ayd’s dy nee mish y Chiarn: son cha bee oyr nearey orroosyn ta farkiaght er my hon.

Jeremiah 17:18

Lhig dauesyn ve craghit ta jannoo tranlaase orrym, agh ny lhig dauesyn mish y chraghey; lhig dauesyn ve atchimit, agh ny lhig dooys ve atchimit: cur lhiat orroo yn laa doogh, as stroie ad lesh toyrt-mow ghooble.

Romanee 10:11

Son ta’n scriptyr gra, Quoi-erbee ta credjal ersyn, nagh bee eh er ny choyrt gys nearey.

Romanee 5:5

As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

1 Peddyr 2:6

Shen-y-fa myrgeddin te raït ayns goo Yee, Cur-my-ner, ta mee soiaghey ayns Sion ard-chlagh chorneilagh, reiht, costal: as eshyn ta credjal aynsyn cha bee eh mollit.