Psalmyn 25:1 - Yn Vible Casherick 1775 1819

¹ Hood’s, O Hiarn, trog-ym seose m’annym; my Yee, ta mee er choyrt my hreishteil aynyd: O ny lhig dooys ’ve er my choyrt gys nearey, chamoo lhig da my noidyn ve boggyssagh harrym.

Psalmyn Ghavid 1761 (Metrical)

^1-2 Gys Jee, ayn ta my hreisht, Lesh m’annym as my chree, Nee’m padjer ghoaill; O Hiarn graysoil, Ny cur gys nearey mee.

Lioar ny Psalmyn 1765 (Pointed)

¹ Hoods, O Hiarn, trogg-ym seose m’annym; my Yee, ta mee er choyrt my hreishteil ayn-yd: O ny lhig dooys ’ve er my choyrt gys nearey, cha-moo lhig da my noidyn ve boggyssagh harrym.

Psalmyn 25:1 ပူးပေါင်းရင်းမြစ်များ

Psalmyn 143:8

O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Psalmyn 86:4

Gerjee annym dty harvaant: son hood’s, O Hiarn, ta mee troggal seose m’annym.

Psalmyn 24:4

Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

Dobberan 3:41

Lhig dooin troggal seose nyn gree, marish nyn laueyn, gys Jee ayns ny niaughyn.