Psalmyn 24:4 - Yn Vible Casherick 1775 1819

⁴ Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

Psalmyn Ghavid 1761 (Metrical)

⁴ Veih moyrn ta freayll e chree; Nagh jean molteyrys ayns e loo Son feeagh ny leagh erbee.

Lioar ny Psalmyn 1765 (Pointed)

⁴ Eshyn eh ta laueyn glen echey, as cree gyn loght: as nagh vel er hoiaghey e aigney er foalsaght, as nagh vel er ghoaill lhoo dy volley e naboo.

Psalmyn 24:4 ပူးပေါင်းရင်းမြစ်များ

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Lioar Yob 17:9

Nee yn er-crauee myrgeddin cummal gys e raad, as aasee ny laueyn glen ny s’troshey as ny s’troshey.

Lioar Yob 9:30

My ta mee goonlagh mee-hene lesh ushtey sniaghtee, as niee my laueyn cha glen as oddym;

Psalmyn 143:8

O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Psalmyn 15:4

Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

Psalmyn 18:20

Nee’n Chiarn m’y chooilleeney lurg my ghellal cairagh: cordail rish glennid my laueyn nee eh lhiasaghey dou;

Psalmyn 25:1

Hood’s, O Hiarn, trog-ym seose m’annym; my Yee, ta mee er choyrt my hreishteil aynyd: O ny lhig dooys ’ve er my choyrt gys nearey, chamoo lhig da my noidyn ve boggyssagh harrym.

Psalmyn 26:6

Niee-ym my laueyn ayns ônid, O Hiarn: as myr shen hem gys dty altar;

Psalmyn 51:10

Croo aynym cree glen, O Yee: as jean ass-y-noa spyrryd cairagh cheu-sthie jee’m.

Psalmyn 51:12

O cur dou reesht gerjagh dty chooney: as niartee mee lesh dty Spyrryd arryltagh.

Psalmyn 73:1

Dy firrinagh ta Jee graihagh er Israel: dy jarroo er nyn lheid as ta jeh cree glen.

Raaghyn Creeney 20:9

Quoi oddys gra, Ta mee er ghlenney my chree, ta mee seyr veih my pheccah?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Jeremiah 5:2

As ga t’ad breearrey, gra, Liorish y Chiarn bio; son shickyrys t’ad goaill loo oaiagh.

Ezekiel 18:15

Nagh vel er n’ee er ny sleityn, chamoo er hroggal seose e hooillyn gys jallooyn thie Israel, ny er n’yannoo peccah rish ben e naboo,

Ezekiel 18:6

As nagh vel er n’ee er ny sleityn, ny er hroggal seose e hooillyn gys jallooyn thie Israel, chamoo t’er n’yannoo peccah rish ben e naboo, ny er jeet coair ben veeoil:

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 5:8

Bannit t’adsyn ta glen ayns cree: son ver ad Jee my-ner.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

1 Timothy 1:10

Cour maarderee, ny chour ocsyn ta cur rish peccah neu-ghooghyssagh, ny chour ocsyn ta geid deiney, cour breageryn, cour persoonyn oaiagh, as my ta red erbee elley ta noi ynsagh follan,

1 Timothy 2:8

Saillym er-y-fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee-hreishteil:

Jamys 4:8

Tayrn-jee er-gerrey gys Jee, as tayrnee eshyn er-gerrey diuish: niee-jee nyn laueyn, shiuish pheccee, as glen-jee nyn greeaghyn, shiuish dy aigney ghooble.

Ashlish 21:27

As cha jed stiagh ayn er aght erbee red erbee neu-ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.