Psalmyn 24:10 - Yn Vible Casherick 1775 1819

¹⁰ Quoi ta ree ny ghloyr: dy jarroo yn Chiarn dy heshaght-chaggee, eshyn ree ny ghloyr.

Lioar ny Psalmyn 1765 (Pointed)

¹⁰ Quoi ta Ree ny ghloyr: dy-jarroo yn Chiarn dy heshaght-chaggee, eshyn Ree ny ghloyr.

Psalmyn 24:10 ပူးပေါင်းရင်းမြစ်များ

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish, shen y traa hoie-ys eh er stoyl-reeoil e ghloyr.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Noo Luke 9:26

Son quoi-erbee ghoys nearey jeem’s, as jeh my ghoan, jehsyn ghoys yn Mac dooinney nearey, tra hig eh ayns e ghloyr hene, as gloyr e Ayrey, as ny ainleyn casherick.

Noo Ean 12:40

T’eh er lhiggey lhieu dolley ny sooillyn oc, as creoghey nyn gree; nagh vaikagh ad lesh nyn sooillyn, as nagh doiggagh ad lesh nyn gree, dy beagh ad er nyn jyndaa, as dy jinnin ad y lheihys.

Noo Ean 14:9

Dooyrt Yeesey rish, Vel mish er ve choud shen mêriu, as nagh nione dhyt’s mee foast, Philip? eshyn t’er n’akin mish, t’eh er vakin yn Ayr; as kys t’ou uss gra eisht, Jeeagh dooin yn Ayr?

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest: