Psalmyn 24:1 - Yn Vible Casherick 1775 1819

¹ Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

Lioar ny Psalmyn 1765 (Pointed)

¹ Lesh y Chiarn y thalloo, as ooilley ny t’ayn: cumbaase y theihll, as adsyn ta vaghey ayn.

Psalmyn 24:1 ပူးပေါင်းရင်းမြစ်များ

1 Recortyssyn 29:11

Lhiat’s, O Hiarn, ta’n vooadys, as y phooar, as y ghloyr, as y varriaght, as yn ooashley: son lhiat’s ta dy chooilley nhee ayns niau as er y thalloo: lhiat’s y reeriaght, O Hiarn, as uss ta erskyn-earroo ard harrish ooilley.

1 Recortyssyn 29:16

O Hiarn nyn Yee, ooilley’n stoyr shoh ta shin er gheddyn aarloo dy hroggal dhyt thie son dt’ennym casherick, veih dty laue te cheet, as te ooilley lhiat hene.

2 Recortyssyn 25:9

As dooyrt Amaziah rish dooinney Yee, Agh cre nee mayd son y keead talent ta mee er choyrt da sheshaght-caggee Israel? As dreggyr yn dooinney dy Yee, Te ayns pooar y Chiarn dy chur dhyt’s foddey smoo na shoh.

Lioar Yob 34:13

Quoi t’er chur y thalloo fo e churrym? ny quoi t’er oardaghey yn slane seihll?

Lioar Yob 41:11

Quoi t’er ve ro-laue rhym ayns kenjallys, dooys dy lhiasaghey da? cre-erbee ta fo yn slane niau, she lhiam’s eh.

Lioar Yob 41:3

Jean eh ymmodee accanyn hood? ny brynneraght rhyt ayns goan meeley?

Psalmyn 50:10

Son lhiam’s ta ooilley maase ny keilley: as myrgeddin ta’n ollagh er thousane cronk.

Psalmyn 50:12

My ta mee accryssagh, cha n’insh-ym dhyt’s: son ta’n slane seihll lhiam’s, as ooilley ny t’ayn.

Psalmyn 89:11

T’ou er choyrt Egypt fo-chosh, as er stroie eh: t’ou er skeayley dty noidyn dy lhean lesh dty roih niartal.

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Psalmyn 98:7

Lesh cayrnyn myrgeddin as shawmyn: O jeeagh-jee shiu hene gennal kiongoyrt rish y Chiarn y Ree.

Exodus 19:5

Shen-y-fa nish, my ver shiu dy jarroo biallys da my choraa, as freayll my chonaant, bee shiu eisht pobble my chree hene, erskyn dy chooilley phobble; son lhiam’s ooilley’n seihll.

Exodus 9:29

As dooyrt Moses rish, Cha leah’s veem’s er gholl magh ass yn ard-valley, nee’m my laueyn y hroggal seose gys y Chiarn: as nee’n taarnagh scuirr, chamoo vees sniaghtey-garroo arragh ayn; dy vod fys ve ayd dy nee lesh y Chiarn y thalloo.

Daniel 4:25

Dy bee oo er dty imman veih deiney, as bee dty ynnyd-vaghee marish maase y vagheragh, as nee oo gee faiyr myr ny dew, as bee oo fluigh lesh druight yn aer, as hed shiaght traaghyn harryd, derrey vees toiggal ayd, dy vel y Jee smoo syrjey reill ayns reeriaght deiney, as coyrt eh da quoi-erbee saillish hene.

Micah 4:13

Irree as jean tasteraght, O inneen Zion: son nee’m yn eairk ayd y yannoo dy yiarn, as neem’s ny yngnyn ayd jeh prash, as bwoaillee oo ymmodee pobble ayns peeshyn mynney: as nee’m yn cosney oc y chasherickey gys y Chiarn, as yn chooid oc gys Chiarn y slane seihll.

Nahum 1:5

Ta ny sleityn craa roishyn, as ny croink lheïe, as ta’n thalloo losht ec yn enish echey, eer y seihll, as ooilley ta cummal ayn.

1 Corinthianee 10:26

Son lesh y Chiarn yn seihll, as ooilley ny t’ayn.

Deuteronomy 10:14

Cur-my-ner, ta niau, as niau ny niaughyn lesh y Chiarn dty Yee, yn seihll myrgeddin marish ooilley ny t’ayn.