Psalmyn 23:2 - Yn Vible Casherick 1775 1819

² Nee eh fassaghey mee ayns pastyr glass: as m’y leeideil magh rish ny hushtaghyn dy ooraghey.

Psalmyn Ghavid 1761 (Metrical)

² Ayns faiyr meenure as lane dy vlaa, T’eh kinjagh fassagh mee; Reesht m’y leeideil gys fynneraght, Yn raad ta geillyn roie.

Lioar ny Psalmyn 1765 (Pointed)

² Nee eh faassaghey mee ayns pastyr glass: as m'y leeideil magh rish ny hushtaghyn dy ooraghey.

Psalmyn 23:2 ပူးပေါင်းရင်းမြစ်များ

Lioar Yob 34:29

Tra t’eshyn cur shee, quoi eisht oddys jannoo anvea? as tra t’eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny-lomarcan:

Psalmyn 46:4

Nee ushtaghyn y thooilley echey ard-valley Yee y yannoo gennal: ynnyd casherick cabbane-agglish yn Jee smoo ard.

Exodus 15:27

As haink ad gys Elim, raad va daa chibbyr yeig ushtey, as three-feed as jeih dy viljyn-palm: as ren ad campal ayns shen liorish ny ushtaghyn.

Isaiah 30:23

Eisht ver eh fliaghey er dty rass nee oo cuirr ayns dty halloo, as bee yn arran jeh bishaghey yn thallooin kenjal as palchey: ’sy laa shen nee dty vaase gyndyr ayns aberyn lheaney.

Isaiah 8:6

Son wheesh as dy vel yn pobble shoh soiaghey beg jeh ushtaghyn Shiloah, ta roie dy shliawn, as cur nyn marrant er Rezin, as mac Remaliah;

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver-yms dasyn ta paagh farrane ushtey’n vea nastee.

Ashlish 22:1

As yeeagh eh dou awin glen dy ushtey yn vea, sollys myr crystal, geill magh ass stoyl-reeoil Yee, as yn Eayn.

Ashlish 22:17

As ta’n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.

Ashlish 7:17

Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.