Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Psalmyn 23:1 - Yn Vible Casherick 1775 1819

1 She’n Chiarn my vochilley: shen-y-fa cha bee’m feme nhee erbee.

အခန်းကိုကြည့်ပါ။ ကော်ပီ

Psalmyn Ghavid 1761 (Metrical)

1 Yn Chiarn eh-hene nee mish y rere, Tra ta mee huggey geam; Yn bochill mie nee goaill kiarail, Nagh bee’m dy bragh ayns feme.

အခန်းကိုကြည့်ပါ။ ကော်ပီ

Lioar ny Psalmyn 1765 (Pointed)

1 She’n Chiarn my vochilley: shen-y-fa cha bee’m feme nhee erbee.

အခန်းကိုကြည့်ပါ။ ကော်ပီ




Psalmyn 23:1
25 ပူးပေါင်းရင်းမြစ်များ  

Tar-jee, shiuish chloan, as eaisht-jee rhym: ynsee-yms diu aggle y Chiarn.


As woaill eh ooilley yn chied v’er nyn ruggey ayns Egypt: yn vooinjer b’yrjey as by-niartal ayns cummallyn Ham.


As son ny goan mollaghtagh lhieu ta nyn naboonyn er dty oltooaney: jean uss ad y chooilleeney, O Hiarn, shiaght filley ayns yn oghrish oc.


Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.


Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.


Clasht-jee goo yn Chiarn, O shiuish ashoonyn, as jean-jee shoh y hoilshaghey ayns ny hellanyn foddey jeh, as abbyr-jee, Nee eh ren skeayley Israel eshyn y haglym, as nee eh fassaghey eh, myr ta bochilley e hioltane.


As fassee-ym ad ayns aber vie, as er sleityn ard Israel vees ny bochillyn oc: shen y raad nee ad lhie ayns bwoaillee vie, as ayns aber venoyr nee ad gyndyr er sleityn Israel.


Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.


As nee eh shassoo as reill ayns niart y Chiarn, ayns ard-ooashley ennym y Chiarn yn Jee echey, as nee ad tannaghtyn: son nish bee eh ayns ard-ghoo gys ardjyn sodjey magh y thallooin.


Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.


Mish y bochilley mie: ta’n bochilley mie cur e vioys son ny kirree.


Mish y bochilley mie, as ta enney aym er my chirree, as ta enney ocsyn orrym’s.


Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?


Agh nee my Yee ooilley nyn veme y yannoo magh, cordail rish e verchys ayns gloyr, liorish Creest Yeesey.


Nish dy jean Jee ny shee hug lesh reesht veih ny merriu nyn Jiarn Yeesey, ard-vochilley ny geyrragh, trooid fuill y chonaant dy bragh farraghtyn,


Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.


As tra hig yn Ard-vochilley kionfenish, yiow shiu attey dy ghloyr nagh jean fioghey ersooyl.


Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ