Psalmyn 22:27 - Yn Vible Casherick 1775 1819

²⁷ Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Lioar ny Psalmyn 1765 (Pointed)

²⁷ Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 22:27 ပူးပေါင်းရင်းမြစ်များ

1 Recortyssyn 16:10

Gow-jee boggey ayns e ennym casherick; lhig da’n cree ocsyn ve gennal ta shirrey lurg y Chiarn.

Psalmyn 102:22

Tra ta’n pobble er nyn jaglym cooidjagh: as ny reeriaghtyn myrgeddin dy hirveish y Chiarn.

Psalmyn 117:1

O moylley-jee yn Chiarn, ooilley shiuish ashoonyn: moylley-jee eh, ooilley shiuish e phobble.

Psalmyn 2:8

Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Psalmyn 69:33

Ver y vooinjer imlee tastey da shoh, as bee ad gennal: shir-jee lurg Jee, as bee’n annym eu bio.

Psalmyn 72:11

Nee dy chooilley ree tuittym sheese kiongoyrt rish: nee dy chooilley ashoon eh y hirveish.

Psalmyn 72:8

Bee yn reiltys echey myrgeddin veih un aarkey gys faarkey elley: as veih’n awin vooar gys ayrnyn sodjey yn ooir.

Psalmyn 86:9

Hig ooilley ny ashoonyn t’ou er yannoo, as ver ad ooashley dhyt’s, O Hiarn: as nee ad dt’Ennym y ghloyraghey.

Psalmyn 96:7

Cur-jee da’n Chiarn, O shiuish chynneeyn y phobble: cheb-jee da’n Chiarn ooashley as pooar.

Psalmyn 98:3

Ta’n Chiarn er hoilshaghey e haualtys: e chairys t’eh er hoiaghey magh dy foshlit ayns shilley ny ashoonyn.

Isaiah 29:19

Nee yn vooinjer imlee myrgeddin bishaghey nyn moggey ayns y Chiarn, as nee ny boghtyn mastey deiney boggey ’ghoaill ayns Jee casherick Israel.

Isaiah 45:22

Jeeagh-jee hym’s, as bee-jee er nyn sauail, ooilley shiuish ardjyn y theihll; son mish Jee, as cha vel Jee erbee elley.

Isaiah 49:12

Cur-my-ner, hig ad shoh veih foddey; as cur-my-ner, ad shen veih’n twoaie as veih’n neear; as ad shid veih cheer Sinim.

Isaiah 49:6

As dooyrt eh, S’aashagh te dhyt dy ve my harvaant, dy hroggal seose sheelogheyn Yacob, as dy hyndaa reesht cloan sauchey Israel; ver-yms oo myrgeddin dy ve son soilshey da ny ashoonyn, dy vod oo ve my haualtys gys ny ardjyn sodjey magh jeh’n theihll.

Earrooyn 10:32

As bee eh myr shen, my she dt’aigney dy gholl mârin, dy jarroo shen myr vees eh, yn chenjallys nee’n Chiarn y hoilshaghey dooinyn, y lheid cheddin nee mayd er dty hon’s.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Romanee 16:26

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da’n chredjue).

1 Thessalonianee 1:9

Son t’ad-hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh,

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.