Psalmyn 22:26 - Yn Vible Casherick 1775 1819

²⁶ Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Lioar ny Psalmyn 1765 (Pointed)

²⁶ Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy-bragh,

Psalmyn 22:26 ပူးပေါင်းရင်းမြစ်များ

1 Recortyssyn 29:10

Shen-y-fa ren David y Chiarn y vannaghey fenish ooilley’n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

Psalmyn 107:9

Son t’eh jannoo magh yn annym follym: as lhieeney yn annym accryssagh lesh mieys;

Psalmyn 116:14

Cur-my-ner, O Hiarn, kys dy vel mish dty harvaant: ta mish dty harvaant, as mac dt’inney-veyl; t’ou er vrishey my chianglaghyn veih-my-cheilley.

Psalmyn 40:10

Ayns corp y lioar te er ny scrieu jeem’s, dy lhisin’s dt’aigney ’chooilleeney, O my Yee: ta mee booiagh y yannoo eh; dy jarroo ta’n leigh ayd’s er cheu-sthie dy my chree.

Psalmyn 40:16

O Hiarn, lhig da ve dty aigney dy my livrey: jean siyr, O Hiarn, dy chooney lhiam.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Psalmyn 69:32

Nee shoh myrgeddin yn Chiarn y wooiys: ny share na dow lesh eairkyn as yngnyn.

Isaiah 25:6

As er y clieau shoh nee Chiarn ny flaunyssee gaarlaghey son dy chooilley phobble cuirraghyn sonney, gien feeyn er y drundin, dy vee roauyr lane smuir, dy feeyn sheelit dy glen jeh’n drundin.

Isaiah 65:13

Shen-y-fa shoh myr ta’n Chiarn dy ghra, Cur-my-ner, nee my harvaantyn gee, agh bee shiuish accryssagh: cur-my-ner, nee my harvaantyn giu, agh bee shiuish paagh: cur-my-ner, nee my harvaantyn goaill boggey, agh bee shiuish fo nearey:

Jonah 2:10

As hug y Chiarn currym er yn eeast, as hilg eh magh Jonah er y thalloo chirrym.

Noo Ean 4:14

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.