Psalmyn 22:2 - Yn Vible Casherick 1775 1819

² O my Yee, ta mee geam fey-ny-laa, agh cha vel oo cur clashtyn: as ayns imbagh ny hoie myrgeddin cha vel mee geddyn veg y fea.

Psalmyn Ghavid 1761 (Metrical)

² My Yee, er fey-ny-laa hood geam Cha vel oo clashtyn mee; As aash ny fea cha vel mee goaill Er imbagh doo ny hoie.

Lioar ny Psalmyn 1765 (Pointed)

² O my Yee, ta mee geam fey laa, agh cha vel oo cur clashtyn: as ooilley’n oie neesht cha vel mee goaill veg y fea.

Psalmyn 22:2 ပူးပေါင်းရင်းမြစ်များ

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 88:1

O Hiarn Yee dy my haualtys, ta mee er n’eamagh laa as oie kiongoyrt rhyt’s: O lhig da my phadjer cheet stiagh ayns yn enish ayd’s, croym dty chleaysh gys m’eam;

Dobberan 3:44

T’ou er choodaghey oo hene lesh bodjal, nagh ragh nyn badjer ny hrooid.

Dobberan 3:8

Myrgeddin tra ta mee gaccan as geam, t’eh dooney magh my phadjer.

Noo Mian 26:44

As daag eh ad, as hie eh roish reesht as ghow eh padjer yn trass cheayrt, gra ny goan cheddin.

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Noo Luke 6:12

As haink eh gy-kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud-ny-hoie ayns padjer gys Jee.

1 Thessalonianee 3:10

Oie as laa goaill padjer erskyn towse jeean dy akin yn eddin eu, as dy yannoo magh shen ny ta dy laccal ayns nyn gredjue?

2 Timothy 1:3

Ta mee cur booise gys Jee, eh ta mee dy hirveish veih my henn-ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa: