Psalmyn 22:11 - Yn Vible Casherick 1775 1819

¹¹ O ny treig mee, son ta seaghyn er-gerrey: as cha vel unnane dy chooney lhiam.

Psalmyn Ghavid 1761 (Metrical)

¹¹ Ny treig mee ayns my heaghyn dowin Ny follee dt’eddin voym; Tar uss, my chouyr; cha vel, my Yee, Fer-coonee elley ayn.

Lioar ny Psalmyn 1765 (Pointed)

¹¹ O ny treig mee, son ta seaghyn er-gerrey: as cha vel unnane dy chooney lhiam.

Psalmyn 22:11 ပူးပေါင်းရင်းမြစ်များ

2 Reeaghyn 14:26

Son honnick y Chiarn seaghyn Israel, dy row ad feer dewil: son cha row couyr erbee faagit sthie ny mooie, ny cooneyder son Israel.

Psalmyn 10:1

Cre hon t’ou shassoo choud jeh, O Hiarn: as follaghey dt’eddin ayns y traa femoil dy heaghyn?

Psalmyn 35:22

Shoh t’ou er vakin, O Hiarn: ny bee dty host eisht, ny gow foddey voym, O Hiarn.

Psalmyn 38:21

Ny treig mee, O Hiarn my Yee: ny bee uss foddey voym.

Psalmyn 69:18

As ny follee dt’eddin veih dty harvaant, son ta mee ayns seaghyn: O jean siyr, as eaisht rhym.

Psalmyn 71:12

Agh er my hon’s nee’m dy meen farkiaght dy kinjagh: as moyll-ym oo ny smoo as ny smoo.

Psalmyn 71:6

Ta mee er jeet dy ve shilley agglagh da ymmodee: agh ta my hreishteil shickyr aynyd’s.

Psalmyn 72:12

Son nee eh yn boght y livrey, tra t’eh geam: yn ymmyrchagh neesht, as eshyn nagh vel fer-coonee erbee echey.

Isaiah 63:5

As yeeagh mee, as cha row fer erbee dy chooney lhiam; as ghow mee yindys nagh row fer erbee dy niartaghey lhiam: shen-y-fa hug my roih hene lesh livrey-ys hym; as ren my eulys hene niartaghey lhiam.

Noo Mian 26:56

Agh va ooilley shoh jeant, dy voddagh scriptyryn ny phadeyryn ve cooilleenit. Eisht ren ooilley ny ostyllyn treigeil eh, as cosney roue.

Noo Mian 26:72

As reesht dob eh lesh loo, Cha nione dou yn dooinney.

Noo Mian 26:74

Eisht ren eh toshiaght dy ghweeaghyn as dy loo, gra, Cha nione dou yn dooinney. As chelleeragh ren y kellagh gerrym.

Noo Ean 16:32

Cur-my-ner ta’n oor cheet, as eer nish er jeet, dy bee shiu er nyn skeayley dy chooilley ghooinney gys e ynnyd hene, as dy vaag shiu mish my-lomarcan: as foast cha vel mee my-lomarcan, er-y-fa dy vel yn Ayr mârym.

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;