Psalmyn 20:7 - Yn Vible Casherick 1775 1819

⁷ Ta paart coyrt nyn marrant gys fainaghyn, as paart gys cabbil: agh nee shinyn cooinaghtyn er Ennym y Chiarn, y Jee ain.

Lioar ny Psalmyn 1765 (Pointed)

⁷ Ta paart coyrt nyn marrant gys fainaghyn, as paart gys cabbil: agh nee shinyn cooinaghtyn er Ennym y Chiarn y Jee ain.

Psalmyn 20:7 ပူးပေါင်းရင်းမြစ်များ

2 Samuel 10:18

As roie ny Syrianee er-chea roish Israel; as ren David stroie shiaght cheead fainagh jeh ny Syrianee, as da-eed thousane dy varkee; as woaill eh Shobach captan y cheshaght-chaggee oc, hooar e vaase ayns shen.

2 Samuel 8:4

As ghow David veihsyn thousane fainagh, as shiaght thousane markee, as feed thousane coshee: as yiare David feh-yskid ooilley ny cabbil fainee, agh haue eh keead jeu son whilleen fainagh.

2 Recortyssyn 13:16

As roie cloan Israel er-chea roish Judah: as ren Jee y livrey ad gys nyn laue.

2 Recortyssyn 14:11

As deïe Asa gys y Chiarn e Yee, as dooyrt eh, Hiarn, te yn un chooid dhyt’s dy hauail, edyr y ve lesh mooarane, ny lesh beggan: cooin lhien, O Hiarn nyn Yee; son ort’s ta nyn marrant, as ayns dt’ennym ta shin goll noi’n earroo mooar shoh: O Hiarn, she uss nyn Yee, ny lhig da dooinney goaill niart ort.

2 Recortyssyn 32:8

Mârishyn ta niart y roih foalley, agh mârinyn ta’n Chiarn nyn Yee, dy chooney lhien, as dy chaggey ass nyn lieh. As hug y pobble nyn marrant er goan Hezekiah ree Yudah.

Lioar Yob 39:11

Jean oo treishteil er, son dy vel e niart mooar? as jean oo dt’obbyr y aagail da?

Psalmyn 28:8

Yn Chiarn my niart as my eïlley-caggee; ta my chree er dreishteil aynsyn, as ta mee er gheddyn cooney: shen-y-fa ta my chree lheim dyn voggey, as ayns my arrane neem eshyn y voylley.

Psalmyn 45:17

Ayns ynnyd dt’ayraghyn bee ayd cloan: ad oddys oo y yannoo princeyn ayns dy chooilley heer.

Raaghyn Creeney 21:31

Ta’n niagh greihit cour laa yn chaggey: agh ta sauchys veih’n Chiarn.

Isaiah 30:16

Son dooyrt shiu, Cha jean mayd shen; agh nee mayd chea er cabbil; shen-y-fa nee shiu chea: as, Markee mayd er baagh gastey; shen-y-fa bee adsyn gastey hed nyn eiyrt’s.

Isaiah 31:1

Smerg dauesyn ta goll sheese gys Egypt son cooney, as coyrt nyn marrant er cabbil, as treishteil ayns fainee, er-yn-oyr dy vel ad ymmodee; as ayns markee, son dy vel ad feer lajer! agh cha vel ad jeeaghyn gys Jee casherick Israel, chamoo t’ad shirrey yn Chiarn.

Jeremiah 17:5

Myr shoh ta’n Chiarn dy ghra, Dy row mollaght ersyn ta cur e varrant er dooinney, as goaill mac dooinney son e endeilys, as ta ayns e chree treigeil y Chiarn.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 2:10

Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.