Psalmyn 2:9 - Yn Vible Casherick 1775 1819

⁹ Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Lioar ny Psalmyn 1765 (Pointed)

⁹ Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Psalmyn 2:9 ပူးပေါင်းရင်းမြစ်များ

Psalmyn 89:23

Cha bee yn noid abyl tranlaase y yannoo er: cha jean mac yn olkys aggair y yannoo da.

Isaiah 30:14

As nee eh brishey eh myr brishey saagh craie t’er ny vrishey ayns peeshyn; cha jean eh sparail; myr shen nagh bee er ny gheddyn ayns y vrishey echey wheesh shlig dy ghoaill aile veih’n chiollagh, ny dy hroggal ushtey ass yn phouyl

Isaiah 60:12

Son yn ashoon as y reeriaght shen nagh jean shirveish ort, nee ad cherraghtyn; dy jarroo, bee ny ashoonyn shen dy slane bollagh er nyn stroie.

Jeremiah 13:14

As scoltee-ym ad yn derrey yeh noi’n jeh elley, eer ny ayraghyn as ny mec ry-cheilley, ta’n Chiarn dy ghra; cha jean-ym chymmey, ny foayr, ny myghin y yeeaghyn, agh nee’m ad y stroie.

Jeremiah 19:11

As nee oo gra roo, Myr shoh ta Chiarn ny sheshaghtyn flaunyssagh dy ghra, Eer myr shoh brish-yms y pobble shoh, as yn ard-valley shoh, myr ta fer brishey saagh craie yn phasheyder, nagh vod reesht ve jeant slane; as nee ad goanluckey ad ayns Tophet, derrey nagh bee boayl-oanluckee ayn.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Micah 5:8

As bee sluight Yacob mastey ny ashoonee ayns mean ymmodee pobble, myr lion mastey beïyn y cheyll, myr lion aeg mastey ny shioltaneyn keyrragh: ta chammah stampey sheese, as raipey ayns peeshyn myr t’eh goll, as cha vod fer erbee livrey.

Noo Mian 21:44

As quoi-erbee huittys er y chlagh shen, bee eh er ny vroo: agh er quoi-erbee huittys y chlagh shen, nee ee cha meen as joan jeh.

Ashlish 12:5

As dymmyrk ee lhiannoo mac, va ry-hoi reill dy chooilley ashoon lesh lorg dy yiarn: as va’n mac eck goit seose gys Jee, as gys e stoyl-reeoil.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press-feeyney jeh dewilys as jymmoose Yee ooilley-niartal.