Psalmyn 19:9 - Yn Vible Casherick 1775 1819

⁹ Ta aggle y Chiarn glen, as farraghtyn son dy bragh: ta briwnyssyn y Chiarn firrinagh as cairagh ooilley dy cheilley.

Psalmyn Ghavid 1761 (Metrical)

⁹ Aggle y Chiarn ta shickyr soit, Er undin nagh jean craa; E leighyn corrym, er nyn dowse Ayns meighyn kiart dy bra.

Lioar ny Psalmyn 1765 (Pointed)

⁹ Ta aggle y Chiarn glen, as farraghtyn son dy-bragh: ta briwnyssyn y Chiarn firrinagh as cairagh ooilley dy-cheïley.

Psalmyn 19:9 ပူးပေါင်းရင်းမြစ်များ

Genesis 22:12

As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

1 Reeaghyn 18:12

As hig eh gy-kione, cha beem’s ny s’leah er dty aagail, agh dy jean Spyrryd y Chiarn lesh oo cha vel fys cre’n raad; as myr shen tra hig-ym dy insh da Ahab, as nagh bee oo ry-gheddyn, nee eh mish y varroo: agh ta mish dty harvaant er ve ayns aggle y Chiarn veih my aegid.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Psalmyn 10:5

Ta ny raaidyn echey kinjagh seaghnagh: ta dty vriwnyssyn foddey erskyn roshtyn e hilley, as er-yn-oyr shen t’eh cur y-lane fo ooilley e noidyn.

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Psalmyn 115:13

Nee eh adsyn y vannaghey ta goaill aggle roish y Chiarn: chammah beg as mooar.

Psalmyn 119:1

Bannit t’adsyn ta glen ayns y raad: as ta gimmeeaght ayns leigh yn Chiarn.

Psalmyn 119:106

Ta mee er vreearrey, as ta mee dy shickyr kiarit: dy reayll dty vriwnyssyn.

Psalmyn 119:111

Dty recortyssyn ta mee er hirrey myr m’eiraght son dy bragh: as cre’n-fa? t’ad eer boggey my chree.

Psalmyn 119:142

Ta’n chairys ayd’s cairys dy bragh farraghtyn: as dty leigh yn irriney.

Psalmyn 119:39

Gow ersooyl yn kerraghey ta mee goaill aggle roish: son ta dty vriwnyssyn mie.

Psalmyn 119:62

Ec y vean-oie nee’m girree dy chur booise dhyt: er coontey dty vriwnyssyn cairagh.

Psalmyn 119:7

Ver-ym booise dhyt lesh cree firrinagh: tra vee’m er n’ynsaghey briwnyssyn dty chairys.

Psalmyn 119:75

Ta fys aym, O Hiarn, dy vel dty vriwnyssyn cairagh: as dy vel oo ayns eer ynrickys er choyrt seaghyn orrym.

Psalmyn 12:7

Ta goan y Chiarn goan glen: dy jarroo myr yn argid, ta er ny ghlenney veih’n ooir, as er ny lheïe shiaght keayrtyn ayns yn aile.

Psalmyn 147:19

Hoilshee eh e ghoo da Jacob: e lattyssyn as e oardaghyn da Israel.

Psalmyn 36:1

Ta my chree ginsh dou olkys y vee-chrauee: nagh vel veg yn aggle dy Yee roish e hooillyn.

Psalmyn 36:6

Ta dty chairys shassoo myr ny sleityn ard: ta dty vriwnyssyn goll-rish y diunid vooar.

Exodus 21:1

Nish ad shoh ny leighyn nee oo soiaghey roue.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Isaiah 26:8

Dy jarroo, ayns raad dty vriwnyssyn, O Hiarn, ta shin er farkiaght er dty hon; ta yeearree nyn annym gys dty ennym, as gys cooinaghtyn jeed’s.

Isaiah 45:19

Cha vel mee er loayrt dy follit, ayns corneil dorraghey jeh’n theihll: cha dooyrt mee rish sluight Yacob, Shir-jee mee ayns fardail. Mish y Chiarn ta loayrt ynrickys, ta mee soilshaghey magh reddyn cairal.

Jannoo 10:22

As dooyrt adsyn, Cornelius yn centurion, dooinney cairagh, as baghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Romanee 11:22

Cur-my-ner er-y-fa shen mieys as briwnys gyere Yee: orroosyn ren tuittym, briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

Romanee 2:2

Agh ta fys ain dy vel briwnys Yee cordail rish yn irriney, n’oï adsyn ta cur rish lheid ny reddyn.

Deuteronomy 4:8

As cre’n ashoon ta ayns lheid yn ard foayr, dy vel oc slattyssyn as briwnyssyn cha cairal, as ooilley’n leigh shoh, ta mish dy hoiaghey kiongoyrt riu yn laa t’ayn jiu?

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.

Ashlish 16:7

As cheayll mee fer elley gra veih’n altar, Eer myr shen, Hiarn Yee Ooilley-niartal, firrinagh as cairagh ta dty vriwnyssyn.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er-shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.

1 Samuel 12:24

Ynrycan gow-jee aggle roish y Chiarn, as shirveish-jee eh ayns firrinys lesh ooilley nyn gree: son smooinee-jee cre ny reddyn yindyssagh t’eh er n’yannoo er nyn son.