Psalmyn 19:8 - Yn Vible Casherick 1775 1819

⁸ Ta slattyssyn y Chiarn jeeragh, as coyrt boggey da’n chree: ta sarey yn Chiarn ynrick, as coyrt soilshey da ny sooillyn.

Psalmyn Ghavid 1761 (Metrical)

⁸ Ynrick ta slattyssyn y Chiarn, Eunyssagh as gerjoil; Ta ’anney, ronsit magh dy geyre, Niartagh yn shilley moal.

Lioar ny Psalmyn 1765 (Pointed)

⁸ Ta slattyssyn y Chiarn jeeragh, as coyrt boggey da’n chree: ta saarey yn Chiarn ynrick, as coyrt soilshey da ny sooillyn.

Psalmyn 19:8 ပူးပေါင်းရင်းမြစ်များ

Genesis 26:5

Er-yn-oyr dy dug Abraham biallys da my choraa, as dy dreill eh my harey, my annaghyn, my lattyssyn, as my leighyn.

2 Reeaghyn 17:37

As ny slattyssyn, as ny oardaghyn, as y leigh, as yn anney, scrieu eh er nyn son, bee shiuish kiaralagh dy chooilleeney son dy bragh; as cha jean shiu aggle y ghoaill roish jeeghyn elley

Nehemiah 8:12

As hie yn pobble rhymboo, dy ee, as dy iu, as dy hirveish ayrnyn er ny boghtyn, as dy yannoo gien mooar, er-yn-oyr dy hoig ad ny goan, v’er ny hoilshaghey daue.

Nehemiah 9:13

Haink oo neose myrgeddin er slieau Sinai, as loayr oo roo veih niau, as hug oo daue briwnyssyn cairagh, as leighyn firrinagh, slattyssyn mie, as annaghyn:

Psalmyn 111:7

Ta obbraghyn e laueyn ynrickys as briwnys: ta ooilley e annaghyn firrinagh.

Psalmyn 119:105

Ta dty ghoo londeyr da my chassyn: as soilshey da my chesmadyn.

Psalmyn 119:12

Bannit t’ou uss, O Hiarn: O ynsee dou dty lattyssyn.

Psalmyn 119:121

Ta mee dellal ayns y chooish ta lowal as jeeragh: O ny faag mee fo pooar my hranlaasee.

Psalmyn 119:128

Shen-y-fa ta mee cummal jeeragh ayns ooilley dty annaghyn: agh son raaidyn cammey ta slane dwoaie aym orroo ooilley.

Psalmyn 119:130

Tra ta dty ghoo goll magh: te coyrt soilshey as creenaght da’n vooinjer ôney.

Psalmyn 119:14

Ta taitnys wheesh er ve aym ayns raad dty leighyn: as ayns dy chooilley vonney dy verchys.

Psalmyn 119:143

Ta seaghyn as trimshey er ghoaill greme orrym: ny-yeih ta my haitnys ayns dt’annaghyn.

Psalmyn 119:16

Bee my haitnys ayns dty lattyssyn: as cha jarrood-ym dty ghoo.

Psalmyn 119:171

Nee my veillyn fockley magh dty voylley: tra t’ou er m’ynsaghey ayns dty lattyssyn.

Psalmyn 119:24

Son ta ny recortyssyn ayd’s my voggey: as my ir-choyrlee.

Psalmyn 119:40

Cur-my-ner, ta my haitnys ayns dt’annaghyn: O jean mish y vioghey ayns dty chairys.

Psalmyn 119:54

Ta dty lattyssyn er ve my arraneyn: ayns thie my yoarreeaght.

Psalmyn 119:80

O lhig da my chree v’er ny hickyraghey ayns dty lattyssyn: nagh bee nearey orrym.

Psalmyn 119:92

Er-be dy row my voggey ayns dty leigh: veign er herraghtyn ayns my heaghyn.

Psalmyn 12:6

Trog-ym orrym, ta’n Chiarn dy ghra: as ver-ym feaysley da dagh unnane veihsyn ta gatt n’oï, as ver-ym eh gys fea.

Psalmyn 13:3

Smooinee orrym, as eaisht rhym, O Hiarn my Yee: soilshee my hooillyn, nagh gadlym ayns baase;

Psalmyn 40:8

Toyrtys-casherick as bee-oural cha bailt’s: agh my chleayshyn t’ou er vosley.

Psalmyn 93:5

Ta tonnyn ny marrey niartal, as jannoo feiyr atchimagh: agh ny-yeih ta’n Chiarn, ta cummal er yn yrjid, ny s’niartal.

Exodus 18:16

Tra ta cooish oc, t’ad cheet hym’s; as ta mee briwnys eddyr ad; as ta mee soilshaghey daue slattyssyn as leighyn Yee.

Raaghyn Creeney 2:6

Son ta’n Chiarn coyrt creenaght: ass y veeal echeysyn ta cheet fysseree as tushtey.

Raaghyn Creeney 30:5

Ta dy chooilley ockle dy Yee slane glen: te ny scaa dauesyn ta coyrt nyn dreishteil ayn.

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Isaiah 64:5

T’ou goll ny whail-syn ta goaill boggey as jannoo cairys; adsyn ta cooinaghtyn ort ayns dty raaidyn: cur-my-ner, t’ou uss jymmoosagh; son ta shin er n’yannoo peccah: ayndoosyn ta shin er hannaghtyn foddey, as bee mayd er nyn sauail.

Jeremiah 15:16

Hooar mee dty ghoan, as d’ee mee ad; as va dty ghoo dooys boggey as gerjagh my chree; son ort’s ta mee enmyssit, O Hiarn, Jee ny sheshaghtyn flaunyssagh.

Ezekiel 36:27

As ver-yms yn spyrryd aym’s er cheu-sthie j’iu, as ver-ym erriu shooyl ayns my lattyssyn, as nee shiu freayll my vriwnyssyn, as jannoo ad.

Romanee 3:20

Shen-y-fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Romanee 7:22

Son ta taitnys aym ayns leigh Yee, cordail rish y dooinney er cheu-sthie.

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er-be dy dooyrt y leigh, Cha der oo saynt.

Galatianee 2:19

Son ta mish trooid y leigh marroo gys y leigh, dy voddym ve bio gys Jee.

Galatianee 3:21

Vel y leigh eisht noi gialdynyn Yee? Ny lhig eh Jee: son dy beagh leigh er ve er ny livrey, oddagh bea y choyrt, lhisagh cairys dy firrinagh er ny ve liorish y leigh.

Deuteronomy 16:11

As nee oo boggey ’ghoaill kiongoyrt rish y Chiarn dty Yee, uss, as dty vac, as dty inneen, as dty er-mooinjerey, ad dty inney-veyl, as y Levite t’er cheu-sthie jeh dty yiattyn, as y joarree, as y lhiannoo gyn ayr, as y ven-treoghe ta ny mast’ eu, ’syn ynnyd nee’n Chiarn dty Yee y reih dy choyrt e ennym ayn.

Deuteronomy 16:14

As nee oo boggey y ghoaill ayns dty laghyn feailley, uss as dty vac, as dty inneen, as dt’er-mooinjerey, as dt’inney-veyl, as y Levite, as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn.