Psalmyn 19:7 - Yn Vible Casherick 1775 1819

⁷ Ta leigh yn Chiarn ny leigh gyn foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn Ghavid 1761 (Metrical)

⁷ Leigh Yee te glen, chyndaa yn cree, Gys craueeaght as foays; Creenaght te coyrt da’n boght annoon, Soilshey ’sy ghorraghys.

Lioar ny Psalmyn 1765 (Pointed)

⁷ Ta leigh yn Chiarn ny leigh gyn-foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn 19:7 ပူးပေါင်းရင်းမြစ်များ

2 Samuel 23:5

Ga nagh vel my hie’s agh fardalagh roish Jee; ny-yeih t’eh er n’yannoo rhym conaant beayn, er ny oardrail dy kiart as dy shickyr ayns dy chooilley nhee: son aynsyn ta my haualtys, as ooilley my yeearree, ga nagh jig eh chelleeragh.

Lioar Yob 23:12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Psalmyn 111:7

Ta obbraghyn e laueyn ynrickys as briwnys: ta ooilley e annaghyn firrinagh.

Psalmyn 119:105

Ta dty ghoo londeyr da my chassyn: as soilshey da my chesmadyn.

Psalmyn 119:111

Dty recortyssyn ta mee er hirrey myr m’eiraght son dy bragh: as cre’n-fa? t’ad eer boggey my chree.

Psalmyn 119:130

Tra ta dty ghoo goll magh: te coyrt soilshey as creenaght da’n vooinjer ôney.

Psalmyn 119:14

Ta taitnys wheesh er ve aym ayns raad dty leighyn: as ayns dy chooilley vonney dy verchys.

Psalmyn 119:152

Mychione dty annaghyn, ta fys aym foddey er-dy-henney: dy vel oo er hoiaghey ad er undin shickyr son dy bragh.

Psalmyn 119:24

Son ta ny recortyssyn ayd’s my voggey: as my ir-choyrlee.

Psalmyn 119:72

Ta leigh dty veeal ny smoo dy voggey dou: na millaghyn dy airh as argid.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 18:30

Ta raad Yee raad rea: ta goo yn Chiarn neesht er ny phrowal ’syn aile; eh yn fendeilagh ocsyn ooilley ta coyrt nyn dreishteil aynsyn.

Psalmyn 23:3

Nee eh m’annym y hyndaa: as my choyrt lesh magh ayns ny cassanyn dy chairys er graih e Ennym.

Psalmyn 93:5

Ta tonnyn ny marrey niartal, as jannoo feiyr atchimagh: agh ny-yeih ta’n Chiarn, ta cummal er yn yrjid, ny s’niartal.

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Isaiah 8:16

Jean-jee yn recortys shickyr, seal-jee seose y leigh ny mast’ ocsyn ta geiyrt er my ynsagh.

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Noo Ean 5:39

Ronsee-jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi-erbee chredjys ayn, dy vow eh feaysley peccaghyn.

Romanee 12:2

As ny jean-jee shiu hene y chummey gys y theihll shoh; agh bee-jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 15:4

Son cre-erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Romanee 3:2

Mooarane er dy chooilley aght: hoshiaght, son dy nee dauesyn v’er ny livrey goo Yee.

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.

2 Timothy 1:8

Ny bee nearey ort er-y-fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Joshua 1:8

Bee’n lioar shoh jeh’n leigh dy kinjagh ayns dty veeal; as bee dty smooinaghtyn dowin ayn oie as laa, dy vod oo tastey y ghoaill dy yannoo cordail rish ooilley ny ta scruit ayn: son eisht hig dty chooishyn dy mie lhiat, as bee oo er dty vannaghey.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.