Psalmyn 19:14 - Yn Vible Casherick 1775 1819

¹⁴ Lhig da goan my veeal, as smooinaghtyn my chree: ve dy kinjagh booisal ayns dty hilley,

Psalmyn Ghavid 1761 (Metrical)

¹⁴ My phadjer eisht, as booise my chree, Vees er ny lowal liort; As mish, fo sauchys dty endeil, Nee coyrt my varrant ort.

Lioar ny Psalmyn 1765 (Pointed)

¹⁴ Lhig da goan my veeal, as smooinaghtyn my chree: ve dy-kinjagh booisal ayns dty hilley,

Psalmyn 19:14 ပူးပေါင်းရင်းမြစ်များ

Psalmyn 104:34

As shen myr nee my ghoan eshyn y wooiys: bee my voggey ayns y Chiarn.

Psalmyn 51:15

Nee uss my veillyn y osley, O Hiarn: as nee my veeal soilshaghey magh dty voylley.

Psalmyn 119:108

Lhig da ourallyn-arryltagh my veeal uss y wooiys, O Hiarn: as ynsee dou dty vriwnyssyn.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Lioar Yob 19:25

Son ta fys aym dy vel my Haualtagh bio, as dy jean eh shassoo ec y laa jerrinagh er y thalloo:

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Isaiah 47:4

Er son y Fer-kionnee ain, ta’n ennym echey Chiarn ny flaunyssee, Jee casherick Israel.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

Isaiah 44:6

Myr shoh ta’n Chiarn Ree Israel, as e Haualtagh Chiarn ny flaunyssee, dy ghra, Mish yn chied er as y fer s’jerree; as er-lhimmey jeem’s cha vel Jee erbee elley.

Isaiah 43:14

Shoh myr ta’n Chiarn nyn Saualtagh, Jee casherick Israel, dy ghra, Er y ghraih euish hug mee my haghter gys Babylon; as ta mee er choyrt fo-chosh ooilley nyn gheiney ooasle, as ny Caldeanee, va boggyssagh ass nyn lhuingys.

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;