Psalmyn 19:12 - Yn Vible Casherick 1775 1819

¹² Quoi oddys ginsh earroo e loghtyn? O glen mee veih my pheccaghyn follit.

Psalmyn Ghavid 1761 (Metrical)

¹² E skyrraghtyn quoi oddys ginsh, E vennick goll jeh’n raad? Veih m’oiljyn follit glen mee, Hiarn, Uss ta’n slane coontey ayd.

Lioar ny Psalmyn 1765 (Pointed)

¹² Quoi oddys ginsh earroo e loghtyn? O glen mee veih my pheccaghyn follit.

Psalmyn 19:12 ပူးပေါင်းရင်းမြစ်များ

Lioar Yob 6:24

Ynsee-jee mee, as bee’m my host; as cur-jee orrym toiggal cre ayns ta mee er ve foiljagh.

Psalmyn 139:2

T’ou uss mygeayrt my chassan, as mygeayrt my lhiabbee: as fakin ooilley my raaidyn.

Psalmyn 139:6

C’raad eisht nee’m chea veih dty Spyrryd: ny c’raad nee’m cosney veih dt’enish?

Psalmyn 40:12

Cha vel mee er cheiltyn dty chairys cheu-sthie jeh my chree: ta my haggloo er ny ve jeh dty ynrickys, as jeh dty haualtys.

Psalmyn 51:2

Niee mee dy bollagh veih m’olkys: as glen mee veih my pheccah.

Psalmyn 65:3

Ta my ghrogh-yannoo geddyn y varriaght orrym: O bee uss myghinagh da nyn beccaghyn.

Psalmyn 90:8

T’ou er hoiaghey nyn ghrogh-yannoo kiongoyrt rhyt: as nyn beccaghyn follit ayns soilshey dt’eddin.

Exodus 24:12

As dooyrt y Chiarn rish Moses, Tar seose hym’s er y chronk, as fuirree ayns shen; as ver-yms dhyt buird chloaie, as leigh, as annaghyn ta mee er scrieu; dhyt’s dy ynsaghey daue.

Raaghyn Creeney 13:13

Quoi-erbee soie-ys beg jeh’n goo, hed eh naardey: agh eshyn t’ayns ammys ny annaghyn, yiow eh leagh.

Isaiah 64:6

Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta’n neu-chairys ain, myr y gheay, er heebey shin ersooyl.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

1 Corinthianee 4:4

Son ga nagh voddym coyrt nhee erbee gys my lieh hene, ny-yeih cha vel mee liorish shoh er my heyrey; agh eshyn ta dy my vriwnys yn Chiarn eh.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

Hebrewnee 9:7

Agh stiagh ayns yn nah ayrn hie yn ard-saggyrt ny-lomarcan keayrt ’sy vleïn, cha nee fegooish fuill, ren eh chebbal er e hon hene, as son shaghrynys y phobble.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.