Psalmyn 19:11 - Yn Vible Casherick 1775 1819

¹¹ Lioroosyn myrgeddin ta dty harvaant ynsit: as ayns freaylley ad ta leagh vooar.

Psalmyn Ghavid 1761 (Metrical)

¹¹ M’Ir-choyrlee cooie treishteilagh ad, As raue'ghyn dooie foardrail; Leagh flaunyssagh ta gour nyn lheid, Ta’n vea oc roo cordail.

Lioar ny Psalmyn 1765 (Pointed)

¹¹ Lioroosyn myrgeddin ta dty harvaant ynsit: as ayns freaylley ad ta leagh vooar.

Psalmyn 19:11 ပူးပေါင်းရင်းမြစ်များ

2 Recortyssyn 19:10

As cre-erbee’n chooish hig reue eddyr nyn mraaraghyn ta cummal ayns nyn ard-valjyn, eddyr fuill as fuill, eddyr leigh as oardagh, slattyssyn as briwnyssyn, ver shiu dy jarroo sarey daue nagh brish ad leigh’n Chiarn, as nagh jig kerraghey erriu hene, as er nyn mraaraghyn: jean-jee shoh, as cha bee shiu kyndagh,

Psalmyn 119:103

O cre cha millish ta dty ghoan gys my vlass: dy jarroo, ny s’miljey na mill da my veeal!

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:72

Ta leigh dty veeal ny smoo dy voggey dou: na millaghyn dy airh as argid.

Raaghyn Creeney 11:18

Ta’n mee-chrauee gobbraghey obbyr volteyragh, agh ny chour-syn ta cuirr cairys bee leagh shickyr.

Raaghyn Creeney 24:14

Myr shen vees yn fysseree dy chreenaght gys dty annym: tra t’ou er gheddyn eh, eisht bee leagh ayd, as cha bee dty yerkal er ny yiarey jeh.

Raaghyn Creeney 29:18

Raad nagh vel goo Yee, ta’n pobble cherraghtyn: agh eh ta freayll yn leigh, s’maynrey t’eh.

Ezekiel 3:3

As dooyrt eh rhym, Vac y dooinney, cur er dty chleeau goaill stiagh, as lhieen dty volg lesh y lioar shoh ta mee dy choyrt dhyt: eisht d’ee mee eh, as ve ayns my veeal myr mill son miljid.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Noo Mian 6:18

Nagh bee oo ry-akin liorish deiney dy hrostey, agh liorish dty Ayr t’ayns folliaght: as nee dty Ayr ta fakin ayns folliaght, uss y chooilleeney dy foshlit.

Noo Mian 6:4

Dy vod dty yeirk ve follit: as nee dty Ayr ta fakin ny ta jeant dy follit, dty leagh y chur dhyt dy foshlit.

Noo Mian 6:6

Agh uss, tra t’ou goaill padjer, immee stiagh ayns dty hiamyr; as dooney dty ghorrys, guee gys dty Ayr dy follit, as nee dty Ayr ta fakin ny ta jeant dy follit, leagh y chur dhyt dy foshlit.

Jannoo 20:31

Bee-jee er-y-fa shen er nyn arrey, as cooinee-jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

1 Corinthianee 4:14

Cha vel mee scrieu ny reddyn shoh dy naaraghey shiu, agh myr my chloan shynney lhiam ta mee cur coyrle diu.

1 Thessalonianee 5:14

Nish ta shin guee erriu, vraaraghyn, cur-jee raaue dauesyn ta mee-reiltagh, jean-jee gerjaghey adsyn ta lhag-chreeagh, ymmyrk-jee lesh ny annooinee, bee-jee surransagh rish dy chooilley ghooinney.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Jamys 1:25

Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

2 Ean 1:8

Jeeagh-jee diu hene nagh gaill mayd ny reddyn shen ta shin er chosney, agh dy vow mayd slane leagh.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.