Psalmyn 19:10 - Yn Vible Casherick 1775 1819

¹⁰ Ny smoo t’ad dy v’er nyn yeearree na airh, dy jarroo, na mooarane airh ghlen: ny s’miljey neesht na mill, as y kere-volley.

Psalmyn Ghavid 1761 (Metrical)

¹⁰ S’boght soylit huc ta meanyn airh, Ny’n airh hene ta roït voue; Yn vill, ny kerenyn-molley hene, Cha vel cha millish roo.

Lioar ny Psalmyn 1765 (Pointed)

¹⁰ Ny smoo t’ad dy v’er nyn yeearree na airh, dy-jarroo, na mooarane airh ghlen: ny s’miljey neesht na mill, as y khere-volley.

Psalmyn 19:10 ပူးပေါင်းရင်းမြစ်များ

Lioar Yob 23:12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Psalmyn 119:103

O cre cha millish ta dty ghoan gys my vlass: dy jarroo, ny s’miljey na mill da my veeal!

Psalmyn 119:127

Son shynney lhiam dty annaghyn: erskyn airh as claghyn costal.

Psalmyn 119:72

Ta leigh dty veeal ny smoo dy voggey dou: na millaghyn dy airh as argid.

Psalmyn 63:5

Choud’s vee’m bio ver-ym ard-voylley dhyt er yn aght shoh: as trog-ym seose my laueyn ayns dt’ennym.

Raaghyn Creeney 16:16

Cre-woad share te dy chosney creenaght na airh? as dy gheddyn tushtey, dy ve reiht roish argid.

Raaghyn Creeney 24:13

My vac, ee uss mill, son dy vel eh mie; as y kere-volley, ta millish gys dty vlass:

Raaghyn Creeney 8:19

Ta my vess ny share na airh, dy feer, na’n airh s’glenney, as my heet-stiagh roish reih argid.

Ashlish 10:10

As ghow mee yn lioar veg ass laue yn ainle, as d’ee mee eh; as ve ayns my veeal millish myr mill: as cha leah as d’ee mee eh, va my volg sharroo.