Psalmyn 18:9 - Yn Vible Casherick 1775 1819

⁹ Chroym eh ny niaughyn neesht, as haink eh neose: as ve dorraghey fo e chassyn.

Lioar ny Psalmyn 1765 (Pointed)

⁹ Chromm eh ny niaughyn neesht, as haink eh neose: as ve dorraghey fo e chassyn.

Psalmyn 18:9 ပူးပေါင်းရင်းမြစ်များ

2 Samuel 22:10

Chroym eh ny niaughyn neesht, as haink eh neose; as fo e chassyn va dorraghys.

Psalmyn 50:3

Hig y Jee ain, as cha bee eh ny host: hed aile roishyn nee toyrt-mow, as bee dorrin niartal er ny ghoostey seose mygeayrt-y-mysh.

Psalmyn 68:4

O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Psalmyn 97:3

Hed aile magh roish: as loshtee eh seose e noidyn er dy chooilley heu.

Exodus 19:18

As va cronk Sinai ooilley fo yaagh, son dy daink y Chiarn neose er ayns aile: as hie yn jaagh echey seose, myr jaagh coirrey, as va craa-hallooin mooar ayns ooilley’n clieau.

Isaiah 51:6

Trog-jee seose nyn sooillyn gys ny niaughyn, as jeeagh-jee er y thalloo wass; son nee ny niaughyn lheïe ersooyl myr jaagh, as nee’n thalloo gaase shenn myr garmad, as ny cummaltee t’ayn yiow ad baase er yn aght cheddin: agh bee my haualtys son dy bragh, as cha bee my ynrickys er ny leodaghey.

Isaiah 66:15

Son cur-my-ner, hig y Chiarn lesh aile, as lesh e ainee myr geay-chassee, dy chooilleeney e yymmoose lesh eulys, as e oghsan lesh lossaghyn ailey.

Joel 3:16

Nee yn Chiarn myrgeddin gyllagh dy ard ass Zion, as nee eh fockley-magh e choraa veih Jerusalem; as bee ny niaughyn as y thalloo er-creau; agh bee yn Chiarn treishteil e phobble, as niart cloan Israel.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mark 15:33

As tra va’n cheyoo oor er jeet, va dorraghys harrish ooilley yn cheer, gys yn nuyoo oor.

Noo Ean 13:7

Dreggyr Yeesey as dooyrt eh rish, Cre ta mee dy yannoo cha vel oo toiggal nish; agh bee toiggal ayd jeh ny yeï shoh.

Deuteronomy 33:26

Cha vel unnane goll-rish Jee Yeshurun, ta markiagh er niau son dty chooney, as ayns e ard-ooashley er yn aer.

Hebrewnee 12:26

E choraa ren ec y traa shen yn thalloo y chraa: agh nish t’eh er ghialdyn, gra, Foast keayrt elley nee’m craa cha nee ynrycan y thalloo, agh niau myrgeddin.

2 Peddyr 3:10

Agh hig laa yn Chiarn myr maarliagh ’syn oie; tra nee ny niaughyn cherraghtyn lesh feiyr atchimagh, as nee stoo yn theihll lheïe lesh chiass loshtee, bee’n thalloo shoh hene myrgeddin as ny obbraghyn t’ayn er nyn lostey seose.

Ashlish 20:11

As honnick mee stoyl-reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry-gheddyn er nyn son.